Ч.ОЛДОХ      

Монгол Улсын Баатар цолоор шагнагдсан Уулын баяжуулах“Эрдэнэт”  үйлдвэрийн тухай  манай  сайт Монгол Улсын гавьяат эдийн засагч Т.Балжиннямын “Оюутолгой аз уу, эз үү” номын  “Эрдэнэт үйлдвэртэй холбогдсон зам мөр, сэтгэлд хоногшсон үйл явдлууд” бүлгээс  100 түүхэн  үйл явдал буюу баримтат эшлэлийг   онцлон зохиогчийн зөвшөөрлөөр   цувралаар хүргэж байна.

Түрүүч нь 

Баатар үйлдвэр “Эрдэнэт”-ийн тухай  100  баримт, 

“Эрдэнэт” үйлдвэрийн тухай түүхэн баримтууд-2, 

“Эрдэнэт” үйлдвэрийн түүхэн үйл явдал-3, 

“Эрдэнэт” үйлдвэрийн түүхэн үйл явдал-4, 

“Эрдэнэт” үйлдвэрийн түүхэн үйл явдал-5,  

“Эрдэнэт”-ийн түүхэн баримт-6   , 

“Эрдэнэт”-ийн өгөөж буюу түүхэн баримт-7

“Эрдэнэт”-ийн хөгжилд  нэмэрлэх саналууд-8

“Эрдэнэт”-ийн өгөөж, геологичдын зүтгэлийн үр шим- 9

91. Би Эйч Пи компани 1996-1999 онд Оюутолгойн талбайд ажиллаж агаарын геофизикийн болон зайнаас тандан судлах ажил, геологийн зураглал хийж, 23 цооногт дөрвөн мянга орчим тууш метр өрөмдсөн боловч сонирхол татах талбай илрүүлээгүй байна.

92.Би Эйч Пи компани Канадын Торонтогийн хайгуулчид олборлогчдын жил бүрийн дэлхийн хэмжээний уулзалтад Оюутолгойн талбайд явуулсан судалгааны анхны мэдээлэл, хүдрийн дээжийг танилцуулжээ.

93. Би Эйч Пи компани Оюутолгойд явуулсан судалгаагаа 1999 онд зогсоосон байна

 94. 2000 оноос Айвехоу Майнз компани Оюутолгойг сонирхон Би Эйч Пи компаниас хайгуулын зөвшөөрлийг авч мөн оны тавдугаар сараас 10 гаруй цооног өрөмдсөн ч сонирхолтой мэдээлэл авч чадаагүй тул цаашид эрсдэлтэй гэж үзэв.

 95. Аз сорьсон гурав дахь өрөмдлөгтөө Айвенхоу Майнз Аж үйлдвэрийн гавьяат ажилтан агсан Д.Гарамжаваас асуухад “Алтан гурвалжин” дотор өрөмдөх санал гаргасан нь тун ашигтай болсон юм.

96. “Алтан гурвалжин” буюу Баруун Оюутын ордын Баруун өмнөд хэсгийн хүдэр дэх алтны агуулга 1.17 г/т, зэсийн агуулга 0.81 хувь байсан бөгөөд халькопиритийн эрдэсжилтийн бүс, мөн 159 дүгээр цооногоор 1.17 хувийн агуулгатай зэс, 0.21 г/т алтны агуулгатай 49 метр зузаан халькозиний давхарга, 0.61 хувийн агуулгатай зэс, 0.11 г/т алтны агуулгатай 252 метр гипоген ковеллиний эрдэсжилтийн бүсийг тус тус илрүүлжээ.

97.2002 оны эцсээр ордын алс хойд хэсэгт өрөмдсөн 270 дугаар цооногоор 222 метрийн гүнээс эхлэн 638 метр зузаан борнитхалькопиритээр баялаг эрдэсжилтийн бүсийг илрүүлсэн нь далд аргаар ашиглах Шивээ толгой буюу Хюго Дамметийн ордыг нээх замын эхлэлийг тавьсан байна.  

98. Айвехоу Майнз Монголий инк 2002 оны зургадугаар сард мөнгө санхүүтэй холбоотой асуудлыг шийдвэрлэснээр ВНР-ийн эзэмшиж байсан хайгуулын тусгай зөвшөөрлийн хоёр хувийг шилжүүлэн авч тусгай зөвшөөрлийг бүрэн эзэмших болжээ.

99. Айвенхоу Майнз 2000-2008 онд иж бүрэн аргаар хайгуул явуулж, нийт 2600 гаруй цооногт 1.1 сая гаруй тууш метр өрөмдлөг хийж, ил аргаар ашиглах Оюутын ордын зургаан хүдрийн биет, далд аргаар ашиглах Шивээ толгой буюу  Хюго Даммет болон   Жавхлант буюу Херугагийн ордын нөөц, баялгийг тооцож тогтоожээ.

100. Оюутолгойн ордын хэвлийд 6.6 тэрбум тонн хүдрийн нөөц, 45.1 сая тонн металл зэс, 1886 тонн алт, 12.6 мянган тонн мөнгө, 205 мянган тонн млибден агуулагдаж байгааг тогтоожээ.  

Эх сурвалж. Polit.mn