Т.САЙХАН

Дүүргийн эрүү, иргэний хэргийн хялбар ажиллагааны анхан шатны тойргийн шүүхэд өнгөрсөн баасан гарагт /08.15/ бусдын биед хүнд гэмтэл учруулсан Ц.Санжаачойпэлтэй холбоотой прокурорын эсэргүүцлийг хянан хэлэлцээд хорих шийдвэр гаргажээ.

Тодруулбал, шүүхийн шийдвэрээр энэ сарын 8-нд Ц.Санжаачойпэлийг сулласан байсныг прокурор эсэргүүцэж, гомдол гаргасныг өнөөдөр шүүх хянан хэлэлцээд буцаан 30 хоног хорих шийдвэр гаргасан байна. Ингэхдээ Ерөнхий шүүгч гомдлыг хянан хэлэлцээд шүүгчийн захирамж нь хууль ёсны үндэслэлтэй байх хуулийн шаардлагыг хангаагүй буюу яллагдагчид авсан цагдан хорих таслан сэргийлэх арга хэмжээг өөрчилсөн үндэслэл нь хууль зүйн үндэслэлгүй, хуульд нийцэхгүй байх тул прокурорын гаргасан гомдлыг хангаж, тус шүүхийн 2025 оны наймдугаар сарын 8-ны өдрийн 2025/ШЗ/1262 дугаар шүүгчийн захирамжийг хүчингүй болгож, яллагдагч Ц.Санжаачойпэлд авсан цагдан хорих таслан сэргийлэх арга хэмжээг үргэлжлүүлж шийдвэрлэлээ гэж Дүүргийн эрүү, иргэний хэргийн хялбар ажиллагааны анхан шатны тойргийн шүүхээс мэдээллээ.

Эх сурвалж:www.polit.mn