Өнөө орой АНУ-ын Аляск мужийн Анкоридж хот дахь Элмендорф-Ричардсон цэргийн баазад АНУ-ын Ерөнхийлөгч Дональд Трамп, ОХУ-ын Ерөнхийлөгч Владимир Путин нар дээд хэмжээний уулзалт хийнэ. Энэ нь хоёр орны удирдагчдын анхны нүүр тулсан хэлэлцээ бөгөөд Трамп уг уулзалтыг өндөр ач холбогдолтой уулзалт гэж тодорхойлсон. Энэхүү дээд хэмжээний уулзалтад хоёр улсын өндөр төвшний албан тушаалтнууд оролцохоор Аляскт аль хэдийнээ очсон. 

АНУ-ын төлөөлөгчид:

Марко Рубио Төрийн нарийн бичгийн дарга

Скотт Бессент Сангийн сайд

Говард Латник Худалдааны сайд

Жон Рэтклифф Төв тагнуулын газрын (ТТГ) захирал нар оролцох юм.

ОХУ-ын төлөөлөгчид:

Сергей Лавров Гадаад хэргийн сайд

Юрий Ушаков Ерөнхийлөгчийн туслах, гадаад бодлогын зөвлөх

Андрей Белоусов Батлан хамгаалахын сайд

Антон Силуанов Сангийн сайд

Кирилл Дмитриев Шууд хөрөнгө оруулалтын сангийн дарга, Ерөнхийлөгчийн эдийн засгийн хамтын ажиллагааны тусгай төлөөлөгч нар тус тус багтжээ. 

Уулзалтын үеэр хоёр тал Украйны нөхцөл байдал, эдийн засгийн хамтын ажиллагааны боломж, стратегийн аюулгүй байдлын асуудлуудыг хэлэлцэхээр төлөвлөжээ. Олон улсын ажиглагчид уг уулзалтыг АНУ-ОХУ-ын харилцааны чиг хандлагыг тодорхойлох чухал үе шат хэмээн үнэлж байна.

Эх сурвалж: www.polit.mn