З.БАТЦЭЦЭГ
Эрдэмтдийн хэлж байгаагаар өндөг нь хорт хавдраар өвдөх эрсдлийг бууруулаад зогсохгүй илүүдэл жингээ хасахад тустай байдаг байна. Өндөг шиг их яригддаг хүнсний бүтээгдэхүүн ховор байх. Жингээ хасч байгаа хүмүүс болон тамирчдын дуртай уураг. Харин бидний эмээ нар өндгийг хордлогод хүргэдэг аюултай гэж үздэг. Эрдэмтэд судалсны үр дүнд өндөг нь хүний биед хэрэгтэй гэж тогтоожээ. Английн эрдэмтдийн үзэж байгаагаар хоногт 2-3ш өндөг идэх ёстой байна. Өндөг бидний биед яаж нөлөөлдөг талаар дурдъя.
Нүдний хараанд сайн
Сүүлд хийсэн шинэ судалгаагаар өндгөнд их хэмжээний лютейн агуулагддаг байна. Лютейн нь нүдний харааг хариуцдаг фермент юм. Лютейн дутагдвал нүдний эдэд хор хөнөөлтэй өөрчлөлт явагдаж хараа мууддаг гэж Daily Mail бичжээ.
Ясыг бэхжүүлдэг
Хэрвээ нэг халбага загасан тос уух уу, чанасан өндөг идэх үү?гэвэл хүмүүс өндөг гэж л сонгоно. Тэр тусмаа аль алинд нь витамин Д ижил агуулагддаг. Витамин Д нь кальцийг шингээж яс, шүдийг бэхжүүлдэг.
Жин хаяхад
Өндгийг өглөө бүр идвэл спорт заланд хичээллэхгүйгээр жин хаях боломжтой. Шууд үр дүнгээ үзүүлэхгүй ч илчлэг багатай хүнстэй хэрэглээд байвал хоёр дахин хурдан жингээ хаядаг. Тэгээд ч өндөг өег учраас хурдан өлсдөггүй.
Жирэмсний үед
Эрдэмтдийн тайлбарлаж байгаагаар өндгөнд витамин В9 буюу фолийн хүчил агуулагддаг. Энэ нь ургийн мэдрэлийн тогтолцоог зөв бүрдэхэд чухал үүрэг гүйцэтгэдэг.
Арьс хөгшрөлтийн эсрэг
Судалгаанд оролцсон 35-40 насны эмэгтэйчүүдийн 87 хуьт нь нөсөөт толбо арилж, арьс нь толигор болсон байна. Эрчүүдийн нүд тойрсон жижиг үрчлээнүүд арилжээ.
Өндөг мэдээж сайн бүтээгдэхүүн ч бүх юманд хэмжээ хязгаар хэрэгтэй. Зөвхөн дан өндгөөр хоололбол хүнсний харшилтай болох магадлал өндөр. Өнөөдөр та 3 өндөг идсэн бол маргааш нь нэг л өндөг идэхэд болно. Тэгснээс олон хүмүүс бор өндгийг илүү гэдэг. Энэ нь тийм биш. Өндөгний өнгө тахианы үүлдэр, өд, тахианы чихний дэлбэнгээс шалтгаалдаг. Цагаан тахианаас цагаан өндөг. Улаан чихтэй, бараан тахиа бор шаргал өндөг гаргадаг. Хөгшин тахиа байх тусмаа хальс нь цайвар өнгөтэй байдаг.
Эх сурвалж: wday.ru