Э.БЭРЦЭЦЭГ

УИХ-ын гишүүн Б.Чойжилсүрэнгийн “Хурд авто” компанийн Менежер Отгон-Эрдэнэ болон санхүүгийн албанаас www,eguur.mn” сайтад гарсан “Баримт: Б.Чойжилсүрэн гишүүн ОБЕГ-т 20 ширхэг фургон, хантер автомашиныг зах зээлийн үнээс 1.5 дахин өндөр үнээр шахжээ” гэсэн мэдээлэлд залруулга хийж, байр сууриа илэрхийллээ. ОБЕГ-аас 2020 оны дөрөвдүгээр сарын 6-нд тендер зарлаад, тавдугаар сарын 6-нд нээлтээ хийсэн. Тендерт, “Хурд авто” компани, “Golden Home” гээд хоёр байгууллага үнийн санал өгсөн. Үнийн санал өгөхдөө 718 сая төгрөгөөр манайх өгсөн. Уг тендерийн төсөвт өртөг нь 720 сая төгрөг байсан. Цахим тендер үнийн саналыг шууд задалдаг. Үнийн саналаараа манайх хоёрдугаарт орсон. Өрсөлдөгч компани манайхаас 30 гаруй сая төгрөгийн үнийн дүн багатай орж ирсэн. Өнгөрөгч тавдугаар сарын 8-нд ОБЕГ-ын  Үнэлгээний хорооноос энэ тухай тодорхой дурдсан мэдэгдэл ирсэн. Гэтэл 2-3 хоногийн дараа уг тендерт ялсан компаниас манайх байгууллагатай холбогдоод, бид гэрээнийхээ хүрээнд машин нийлүүлэх боломжгүй боллоо. Танайх машинаа нийлүүлэх боломжтой юу гэсэн хүсэлт тавьсан. Бид энэ саналыг нь хүлээж аваагүй. Мөн ОБЕГ-аас бас хамтарч ажиллах санал бүхий албан тоот ирсэн. Энэ дагуу бид тавдугаар сарын 21-нд хамтран ажиллах гэрээ байгуулж, бараа бүтээгдэхүүнээ зургадугаар сарын 15-ны дотор 16 ширхэг фургон, 4 ширхэг хантер автомашиныг хүлээлгэн өгч, гэрээ дүгнэсэн акт үйлдсэн. Ингэхдээ зах зээлийн үнээс өндөр үнээр өгөөгүй болохыг мэдэгдэж байна. Энэ мэдээллийг та бүхэн ОБЕГ-ын Үнэлгээний хорооноос авч болно. Тиймээс www,eguur.mn” сайт мэдээллээ залруулж гаргахыг хүч байна” гэв.

Эх сурвалж: www.polit.mn