Б.ДОЛЖИНЖАВ

АНУ-ын Төрийн нарийн бичгийн дарга Майкл Помпео маргааш манай улсад айлчлах байсан ч тодорхойгүй хугацаагаар хойшилсон билээ. Ийн түүний тухай 10 баримтыг хүргэж байна.

1.Майкл Помпео 1963 оны аравдугаар сарын 30-нд Калифорниагийн Оранж мужид төрсөн. Эхнэр, хүүгийн хамт амьдардаг.

2. АНУ-ын ерөнхийлөгч Дональд Трамп түүнийг 2018 оны гуравдугаар сард Төрийн нарийн бичгийн даргад нэр дэвшүүлж, дөрөвдүгээр сарын 26-нд  албан ёсоор сонгогдсон.

3.Помпео 1986 онд АНУ-ын Цэргийн академид нэг жил сурсан. Берлиний хана нурахаас өмнө морин цэргийн ангийг удирдаж байв.

4. АНУ-ын Сенат түүнийг  2017 оны нэгдүгээр сарын 23-нд Тагнуулын төв агентлагийн даргаар баталсан.

5. Конгрессийн гишүүн болохоос өмнө гурван найзын хамт “Thayer Aerospace” компанийг байгуулан, гүйцэтгэх захирлаар нь ажиллаж байсан.

6. Одоо газрын тосны тоног төхөөрөмж үйлдвэрлэгч олон улсын “Sentry” компанийн захирлаар ажилладаг.

7.Хятадын эсрэг байр суурьтай байдаг улс төрч юм. Саяхан тэрээр “COVID-19”-ийг Уханийн вирус судлалын хүрээлэнгээс гарган авсан болохыг АНУ-ын Засгийн газар батална гэж мэдэгдсэн. Тиймээс Хятад улс түүнийг өөрийн орон руу нь нэвтрэхийг хориглосон.

8. Тэрээр Харвардын хуулийн сургуулийг төгссөн өмгөөлөгч мэргэжилтэй.

9. Помпео уур амьсгалын өөрчлөлт, хүрээлэн буй орчны асуудал санаа тавьж, энэ талаар хурал, цуглаанд илтгэл тавьдаг.

10.Майк Помпео Калифорниагийн Лос Амигос ахлах сургуульд сурч байхдаа сагсан бөмбөгийн багийн тамирчин байв.

Эх сурвалж:www.polit.mn