Монголын өмгөөлөгчдийн холбоо /МӨХ/ маргааш буюу бямба гариг шинэ ерөнхийлөгчөө тодруулна. МӨХ-ны ерөнхийлөгчид гурван хүн нэр дэвшиж байгаа юм байна.

Тэдний нэг нь хуульч, өмгөөлөгч, доктор Гадинбуугийн Наранбаатар ажээ.

Г.Наранбаатар нь 1977 онд Говь-Алтай аймгийн Чандмань суманд төрсөн. 1995 онд Говь-Алтай аймгийн 10 жилийн 2 дугаар сургууль, 1999 онд “Их Засаг” хууль зүйн дээд сургууль төгсч, 2002 онд Батлан хамгаалахын их сургуульд магистр, 2005 онд Засгийн газрын хэрэгжүүлэгч агентлаг Удирдлагын академийг Төрийн удирдлагын менежерээр дүүргэж, 2018 онд Хууль зүйн ухааны доктор (Ph.D)-ын зэрэг хамгаалсан.

Тэрээр “Их Засаг” хууль зүйн сургуулийн Эрүүгийн эрх зүйн тэнхимд багш, “Ти Энд Эи” хууль зүйн фирмд дадлагажигч өмгөөлөгч, Монголын амгөөлөгчдийн аолбооны гишүүн, өмгөөлөгч, “Их Засаг” их сургуулийн хууль зүйн их сургууль эрүүгийн эрх зүйн тэнхимд ахлах багш, “Их Засаг” ОУИС-ийн Хууль зүйн сургуулийн Эрүүгийн эрх зүйн тэнхимийн эрхлэгч, Өмгөөллийн “NandBadvocate” ХХН-ийн захирал, Монголын хуульчдын холбооны “Өмгөөлөгчдийн хороо”-ны Удирдах зөвлөлийн гишүүн, Монголын ауульчдын холбооны Сургалтын хорооны гишүүн, Монголын хуульчдын холбооны Сургагч багш, с Монголын хуульчдын холбооны Хууль зүйн их дээд сургуулийг магадлан итгэмжлэх хорооны гишүүн, Өмгөөллийн“MGL partners” ХХН-ийн зөвлөх, Монгол хуульчдын холбооны зөвлөлийн гишүүн, “Их Засаг” ОУИС-ийн Эрдмийн сургуулийн захирал, 2019 оноос “Их Засаг” ОУИС-ийн Шинжлэх Ухааны сургуулийн захирлаар ажиллаж байна.

Г.Наранбаатар 2018 оны арванхоёрдугаар сарын 15-нд “Эрүүгийн хэргийн нотлох ажиллагаан дахь өмгөөлөгчийн оролцоо, харьцуулсан судалгаа” сэдвээр хууль зүйн ухааны докторын зэргийг амжилттай хамгаалжээ.

Эх сурвалж: polit.mn