Б.ДОЛЖИНЖАВ

АНУ-ын алдарт реппер Эминем бол дан ганц хурдан үглэдэгээрээ алдартай хүн биш. Түүний дууны утга агуулга, хэмнэл, илэрхийлэх гэсэн санаа, клип ямагт бусдын сэтгэлийг татсан, сонин содон басхүү ухаарал хайрласан байдаг билээ. Тиймээс энэ удаа түүний тухай 10 баримтыг хүргэж байна.

1.Өдгөө 47 настай АНУ-ын реппер, ая зохиогч, продюссер Эминемийн жинхэнэ нэр нь Marshall Bruce Mathers III юм. Тиймдээ ч энэхүү урт нэр нь сунжирсаар M&M буюу Эминем болсон гэдэг. Мөн түүний өөр нэг нэр нь Slim Shady гэдгийг сонсогчид нь андахгүй бизээ.

2. Тэрээр хэрхэн хип хоп урлагт хөл тавьсан, тайзан дээр гараад дуугаа хураачихдаг зориггүй нэгэн байснаа хэрхэн өнөөгийн алдартай реппер болсон тухайгаа  өгүүлсэн “Найман милл” /8 Mile/ кинонд 2002 онд тоглосон. Мөн “The Wash”, “Funny people”, “The Interview” киноноос гадна телевизийн “Entourage” цувралд дүр бүтээсэн билээ.  

3. “Найман милл” киноны “Lose Yourself” дуу хүмүүст хамгийн их нөлөөлсөн бүтээл бөгөөд “Academy Award”-ийн  хамгийн шилдэг киноны дуугаар шалгарсан. Ингэснээр Эминем дээрх шагналыг хүртсэн анхны хип хоп уран бүтээлч болсон юм.

4. Тэрээр Грэмми Авардсын шагналыг 15 удаа, Америкийн шилдэг хөгжмийн шагналыг найман удаа, “Biilboard”-ийн шилдэг дуу шагналыг 17 удаа, “Academy Award”  болон “MTV Europe Music Global Icon Award”-ыг тус тус  нэг удаа хүртэж байв.

5.2002 онд гаргасан “Eminem show”, 2009 оны “Recovery” цомог нь тухайн жилийнхээ дэлхийн хамгийн их борлуулалттай цомгоор шалгарч байсан.

6. Эминем бол бүх цагийн хамгийн олон хувь борлуулагдсан цомгийн эзэн. Түүний цомог 220 сая гаруй удаа борлуулагдсан байдаг.

7. Эминем Ким хэмээх ихэр бүсгүйтэй  1999 онд гэрлэж 2001 онд салсан. Дараа 2006 оны нэгдүгээр сард дахин нийлж, дөрөвдүгээр сард нь салсан байдаг. Тэдний охин Hailie одоо 25 настай.

8. Тэрээр бага байхдаа бусдад дээрэлхүүлдэг байсныхаа улмаас ихэд ганцаарддаг дотогшоо хүүхэд байсан гэдэг.

9. Хип хоп уран бүтээл туурвихаасаа өмнө Эминем комик номын зохиолч болохыг хүсдэг, үлгэрт дуртай байсан аж.

10. Эминемийн орлого 2019 оны байдлаар 230 сая ам.доллар байна.

Эх сурвалж:www.polit.mn