Ч.Зотол

Эрүүл мэндийн яамнаас цар тахлын  талаарх ээлжит мэдээллээ хийлээ.

“Covid-19"-ийн халдвар дэлхийн 216 оронд тархаж, 26.6 сая хүн коронавирусын халдвараар өвчилж, мянга гаруй нь  эдгэж, 872 мянган хүн энджээ. Халдвар сүүлийн гурав хоногт нэг саяар нэмэгдсэн. Сүүлийн 24 цагийн хугацаанд 279 мянга гаруй хүн шинээр халдвар авч, 6000 гаруй хүн энджээ. Энэ нь өмнөх өдрөөс халдварын тохиолдол 34 мянга, нас баралт 2000-аар нэмэгдсэн үзүүлэлт юм. Тухайлбал, ОХУ-д 4995 хүн шинээр халдвар авч, 114 хүн эндсэн,  БНХАУ-д 34 хүн шинээр халдвар авсан, үүний  найм нь зөөвөрлөгдсөн байна. Японд 659 хүн шинээр халдвар авч, долоон хүн энджээ. БНСУ-д 189 хүн шинээр халдвар авснаас ес нь гаднын орноос зөөвөрлөгджээ.

Манай улсын хувьд өчигдөр (2020.9.3) 12 хүн ажиглалтаас гарч, 217 хүн ажиглалтад шинээр орсон. Одоогоор 3896 хүн тусгаарлах ажиглалтад байна. Эдгээрт 31 их эмч, 85 резидент, 56 төрийн алба хаагч үйлчилж байна.

Сүүлийн 24 цагт 119 тусгай дугаарт 46 дуудлага ирсэн. СЭМҮТ-ийн 18002000 утсанд 16 хүн холбогдож мэдээлэл авсан гэж 

ЭМЯ-ны Тандалт, шуурхай удирдлагын хэлтсийн дарга Д.Нарангэрэл мэдээллээ.