С.САРУУЛ

Улсын ургацын комисс өнөөдөр /23020.9.3/ хуралдаж ургацын урьдчилсан төлөв , тулгамдаж буй асуудлын талаар ярилцлаа. Энэ үеэр ХХААХҮЯ-ны  Газар тариалангийн бодлогын хэрэгжилтийг зохицуулах газрын дарга, Улсын ургацын комиссын нарийн бичгийн дарга В.Үнэнбат “Урьдчилсан балансаар 513.3 мянган тонн үр тариа, үүнээ 487.6 мянган тонн буудай, 237 мянган тонн төмс, 113.6 мянган тонн хүнсний ногоо, 32.8 мянган тонн тосны ургамал, 109.4 мянган тонн малын тэжээлийн ургамал хураах боломжтой байна. Урьдчилсан балансаас харахад улаанбуудайн дотоодын хэрэгцээг 100 хувь хангах боломжтой. Мөн манай улсын жилийн хэрэгцээт гурилыг дотооддоо үйлдвэрлэхэд 306 мянган тонн цэвэр улаанбуудай шаардлагатай. 2020-2021 оны хэрэгцээг хангах хэмжээний буудайн нөөц бүрдүүлэхээр байна. Одоо 6-10 хоног цаг агаар налгар сайхан байвал ургацаа хурааж авахад бэлэн. Ажиллах хүч, техникийн бэлэн байдлаа хангаад байна. Их сургуулиуд руу хүсэлт гаргаж Хууль зүйн сургууль, Хөдөө аж ахуйн сургууль болон коллежуудаас оюутан залуусыг авч ажиллуулахаар болсон. Цаг агаартай холбоотой хүндрэл гарвал тухайн үед нь шийдвэрлэнэ. Ажиллах хүч, техникийн хангамжийг шийдвэрлэсэн цагт богино хугацаанд хураах боломжтой” гэсэн мэдээллийг өглөө.

Эх сурвалж: www.polit.mn