Х.ОЮУНБОЛД

ОХУ-ын Гадаад яам өчигдөр гаргасан мэдэгдэлдээ “Ерөнхийлөгч Владимир Путин, өнгөрсөн долоо хоногт бие нь муудсаны улмаас Омск хотын эмнэлэгт хэвтүүлж дараа нь Герман руу шилжүүлсэн сөрөг хүчний удирдагч Александр Навальный  хордлого авсан бол энэ нь ашиггүй” гэж мэдэгдсэнийг  онцолжээ. Мэдэгдлийг Гадаад харилцааны сайд Сергей Лавров, АНУ-ын тусгай Стивен Бигунтэй өчигдөр Москвад уулзсаны дараа хийсэн байна. Мөн Гадаад яамнаас Брюссель болон Вашингтонд сөрөг хүчний удирдагчийг санаатайгаар хордуулсан тухай сэжигтэй хувилбарыг  яаран зөвшөөрсөн нь  Стивен Бигуны анхаарлыг татсаныг онцолжээ. Эндээс зайлшгүй нэг асуулт үүсч  байна. Хэнд энэ нь ашигтай вэ? Мэдээж ерөнхийлөгч Владимир Путинд биш нь тодорхой гэж мэдэгдэлд бичжээ. Мөн Москва энэ хэргийг нээлттэй, хэсэгчлэн болон зөвхөн Александр Навальныйгийн ч биш,  2006 онд радио цацрагт  полони 201 химийн бодист хордож нас барсан ОХУ-ын аюулгүй байдлын  ажилтан асан Александр Литвиненко болон 2018 оны гуравдугаар сард Их Британийн Сольсбери хотод хордуулсан тагнуулч асан Сергей Скрипаль, охин Юлия нартай холбоотой хэргийг судалж үзэх байр суурьтай байгаа талаар дахин илэрхийлсэн байна. Түүнээс Барууны орнууд сөрөг хүчний удирдагчид яаралтай тусламж үзүүлсэн Омск хотын эмч нарыг үнэнийг нуухыг зорьж байгаа гэж буруутгаж байгааг доромжлол гэж үзжээ. Мөн ОХУ-ын мэргэжилтнүүд  Александр Навальныйг болон эмчийн бичсэн бүх оношийг хүлээлгэн өгсөн Германы эмч нарт өгсөн байна.  Түүнчлэн  герман эмч нар адилхан мэргэжлийн хандлагаа харуулахаас гадна  лабораторидоо хийх судалгааныхаа үр дүнг  улс төрийн зарим зорилгоор ашиглахыг зөвшөөрөхгүй байх гэж найдаж байгаагаа илэрхийлжээ.

Эх сурвалж: www.polit.mn