Х.ОЮУНБОЛД

АНУ-ын Массачуетс  мужийн технологийн хүрээлэнгийн Мит медиа лаб лаборатори жирийн унадаг дугуйг шинэчлэн сайжруулахаар ажиллаж байна. Ингэснээр хотын гудамжны дугуй түрээслэх системийг сайжруулах зорилготой аж.  Тодруулбал, гол зорилго нь дугуй түрээслэх газраас хол байгаа хүмүүст  дугуй түрээслэх боломжийг хөнгөвчлөх юм байна. Олон орны хотод дугуй түрээслэх газар байгуулсан байдаг. Гэхдээ ихэнх нь хотын төвд байдаг аж. Харин энэ нь хотын захад амьдардаг  дугуй түрээсэлж унахыг хүсдэг хүмүүст  их төвөгтэй байдаг юм байна. Тиймээс энэ дугуй түрээслэх төслийг хэрэгжүүлснээр хэрэглэгч апплейкшнаар дамжуулан байгаа газартаа хамгийн ойрхон байгаа ухаалаг дугуйг түрээслэх боломжтой болно. Дугуйг захиалсан хэрэглэгчид өөрийгөө удирдан шууд  байгаа газар нь очдог болгохын тулд GPS суулгаж болон арын хоёр дугуйнд мэдрэгч суурилуулан нэг төрлийн гурван дугуйтай дугуй болгожээ.  Ардаа хоёр дугуйтай цахилгаан энэ дугуй нь урд талын дугуйг ажиллуулдаг нэг, очих газраа очих ёстойг  чиглүүлэх нэг хөдөлгүүртэй аж.   Харин дугуй очих газраа очоод арын хоёр дугуй автоматаар нийлж нэг дугуй болдог байна. Ингэснээр хэрэглэгч очих газар очих хүртэл дугуйг чиглүүлдэг идэвхгүй болсон хөдөлгүүрийн тусламжтайгаар жолоодож болох юм байна. Харин дугуй хэрэглэгч унаж дууссанаар дараагийн хүн захиалах хүртэл байрлах хамгийн ойрхон газар руу автоматаар буцах аж.

Эх сурвалж: www.polit.mn