Б.ДОЛЖИНЖАВ

ЭМЯ-наас коронавирусын тархалттай холбоотой ээлжит мэдээллээ хийлээ. Манай улс өчигдөр 487 хүнд шинжилгээ хийхэд дөрвөн хүнээс халдвар илэрчээ.

Коронавирус Монголд

Наймдугаар сарын 12-нд 487 хүнд шинжилгээ хийхэд дөрвөн хүнээс коронавирус илэрлээ.Тодруулбал, энэ сарын 11-нд Прага-Улаанбаатар чиглэлийн тусгай нислэгээр ирсэн 73, 20 настай хоёр эмэгтэй, Алтанбулагийн боомтоор орж ирээд Орхон аймагт тусгаарлагдаж байгаа 24 настай эрэгтэй, Дархан-Уул аймагт тусгаарлагдаж байгаа ОХУ-ын иргэн, 65 настай эмэгтэйн шинжилгээний хариу эерэг гарчээ. Батлагдсан тохиолдол 297 боллоо. Үүнээс 269 нь эдгэрч, 28 хүн ХӨСҮТ-д эмчлүүлж байна.

Дэлхийд

Сүүлийн 24 цагийн дотор 214 мянган хүн коронавирусын халдвар авч, 4000 гаруй хүн нас баржээ. Ингэснээр нийт 20.8 сая хүн халдвар авч, 747 мянган хүн амиа алдлаа.  Энэтхэгт 67000 хүн , Бразил, АНУ-д тус бүр 55 мянган хүн коронавирусын халдвар авчээ.

Хөрш орнуудад

ОХУ-д 5102 хүн өвчилж, 129 хүн эндсэн бол БНХАУ-д 82 шинэ тохиолдол бүртгэгджээ.

Японд

Японд 50 мянган хүн халдвар авч, 1059 хүн нас бараад байна.

Эх сурвалж:www.polit.mn