С.САРУУЛ

Улсын Онцгой комиссын ээлжит хуралдаанаар /2020.07.28/ ерөнхий боловсролын сургууль, цэцэрлэгийн үйл ажиллагааг 2020 оны есдүгээр сарын 1-нээс эхлүүлэхээр шийдвэрлэсэн талаар БШУ-ны сайд Л.Цэдэвсүрэн "2020-2021 оны хичээлийн жилийг хэрхэн зохион байгуулах талаар ажлын хэсэг байгуулан, судалж УОК-т хувилбаруудаа танилцуулсан. Маргааш Засгийн газрын хуралдаанаар эцэслэн шийдвэрлүүлэх юм.  2019-2020 оны хичээлийн жилд нийт 75 өдрийн сургалтыг теле хэлбэрээр зохион байгуулсан. 2020-2021 оны хичээлийн жилд цэцэрлэгт 305000 гаруй хүүхэд, ерөнхий боловсролын сургуульд 682000 гаруй сурагч, 150 мянган оюутан суралцах ёстой. Хичээлийн жилийг хэзээ эхлүүлэхийг олон талаар судалж байгаа. Есдүгээр сарын 1-нээс эхлүүлэх эсэх, эхлүүлсэн тохиолдолд ямар үе шаттайгаар зохион байгуулахыг ч судалж байгаа.Цэцэрлэг, ерөнхий боловсролын сургууль, их, дээд сургууль нь өөрсдийн гэсэн онцлогтой. Онцлог бүрт нь тохирсон хувилбарыг судалж, Засгийн газрын хуралдаанд танилцуулна" гэв.

Эх сурвалж: www.polit.mn