Б.ДОЛЖИНЖАВ

Тагнуулын ерөнхий газрын дарга асан Б.Хурц нарт холбогдох шүүх хурал  Төв аймаг дахь Эрүүгийн хэргийн анхан шатны шүүхэд тав дахь өдрөө үргэлжилж, өчигдөр 22:00 цагт шийдвэрээ танилцууллаа. Шүүхээс тэднийг гэм буруутайд тооцож, Б.Хурц, Ж.Мөнхгал, С.Баяр, Г.Эрдэнэбат нарт гурван жилийн хорих ялыг нээлттэй хорих ангид эдлүүлэхээр боллоо. Харин О.Бямбажав, Ү.Отгонбаяр нарт хоёр, Э.Өлзийбаярт нэг жилийн хорих ял оноож, О.Бархасбадь, С.Эрдэнэбат нарыг цагаатгасан юм. Тэднийг 2002 оны Эрүүгийн хуулийн 133 дугаар зүйл. Гүйцэтгэх ажлын тухай хууль тогтоомж зөрчих, 251 дүгээр зүйл. Эрүү шүүлт тулгах гэсэн заалтын дагуу ялласан юм. Хэргийг эргэн сануулбал, ТЕГ-ын дарга асан Б.Хурц, Улсын ерөнхий прокурорын орлогч асан Г.Эрдэнэбат, мөрдөгч О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, ШШГЕГ-ын ажилтан Э.Өлзийбаяр, О.Бямбажав нарыг С.Зориг агсны амь насыг хөнөөсөн хэргээр ял эдэлж байгаа Д.Содномдаржаа, Т.Чимгээ нарыг эрүүдэн шүүсэн үндэслэлээр буруутган шүүсэн. Шүүх хурал өнгөрсөн долоо хоногийн пүрэв гаригт эхэлсэн.

Эх сурвалж: www.polit.mn