Ч.ҮЛ-ОЛДОХ

 Оюутолгойн гэрээ тойрсон хэрэгт  “Эрдэнэс Монгол” ХХК-ийн гүйцэтгэх захирал асан Б.Бямбасайхан,  “Эрдэнэс Оюутолгой” ХХК-ийн гүйцэтгэх захирал Д.Ганболд нар  Монгол Улсын Ерөнхий сайдын 2015 оны дөрөвдүгээр сарын 16-ны 99 дүгээр тогтоол, захирамжийн дагуу гарын үсэг зурсан хэмээн шүүгдэж  байна.

Цаг хугацааны хувьд авч үзвэл Д.Ганболд, Б.Бямбасайхан нар гарын үсэг зурах эрх олгосон Ерөнхий сайдын  99 дүгээр тогтоол, 2015 оны нэгдүгээр сарын 23-нд Ажлын хэсэг байгуулах захирамж гаргасан байдаг.

Энэ тухай ЗГХЭГ-ын дарга Л.Оюун-Эрдэнэ  2019 оны арваннэгдүгээр сарын 21-нд  “Оюутолгой ордын ашиглалтад Монгол Улсын эрх ашгийг хангуулах тухай”  УИХ-ын тогтоолын төслийг  батлах үеэр   “Засгийн газрын шийдвэр тогтоол, шийдвэрээр явж болно. Гэхдээ хөрөнгө шийдэхтэй холбоотой, их хэмжээний мөнгөн дүнтэй гэрээн дээр яамдын санал авч, Засгийн газрын хуралдаанаар албажих ёстой ч энэ процессыг орхисон. 12 хоногийн дараа шүүхийн захирамжийг бичгээр авсны дараа цаашид яахаа шийднэ” хэмээн УИХ-ын чуулганы нэгдсэн хуралдаанд байр сууриа илэрхийлж байв.

Тэгэхээр  Б.Бямбасайхан, Да.Ганболд нарыг зөвхөн гарын үсэг зурсан ч биш, түүний цаана  их хэмжээний мөнгөн дүнтэй гэрээнд холбогдох яамдын саналыг  авч, Засгийн газрын хуралдаанаар албажуулах процессыг орхигдуулсан гэх асуудалд буруутгагдаж буй бололтой. 

Эх сурвалж: www.polit.mn