Фото: Akorda.kz

Д.АРИУН

Казахстаны анхны Ерөнхийлөгч Н.А.Назарбаевын хөшөөний  нээлтийг өнгөрсөн баасан гаригт  /2020.07.03/ хийжээ. Тус улсын нийслэлд, Үндэсний батлан хамгаалахын их сургуулийн өмнө боссон хөшөөний нээлттэд Казахстаны Ерөнхийлөгч Касым-Жомарт Токаев цахимаар оролцсон талаар Акорда сайт мэдээлжээ. Ерөнхийлөгч Касым-Жомарт Токаев хэлэхдээ, Нурсултан Назарбаев бол  орчин үеийн Казахстаны үндэслэгч  гээд тусгаар тогтносон улсын хөгжлийн стратеги замыг тодорхойлсон удирдагч гэдгийг онцолсон байна.

Анхны Ерөнхийлөгчийнхөө хөшөөг Үндэсний батлан хамгаалахын их сургуулийн өмнө босгож байгаа нь учиртай аж. Тус сургуулийг Ерөнхийлөгч Н.Назарбаевын зарлигаар байгуулж байсан бөгөөд тэрээр улс орныхоо батлан хамгаалах чадавхийг бэхжүүлэхэд онцгойлон анхаарч ирсэн гэж Касым-Жомарт Токаев хэлсэн байна.

Казахстан улс тусгаар тогтнолынхоо эхний жилүүдээсл батлан хамгаалахын салбарын боловсон хүчин бэлтгэхэд анхаарч эхэлсэн. Өнөөдөр тус улс дунд шатнаас олон улсын хэмжээний их дээд сургууль хүртэлх тогтолцоог бий болгож чадсан байна. Касым-Жомарт Токаев “Улс орон баатруудтай хүчтэй гэдэг үг бий. Батлан ​​хамгаалах үндэсний их сургууль цаашид мэргэшсэн боловсон хүчин бэлтгэхэд үнэтэй хувь нэмэр  оруулна гэдэгт би итгэлтэй байна "гэж хэлсэн байна.

1991 онд Казахстан улс тусгаар тогтносноос хойш тус улсыг 29 жил удирдсан Н.Назарбаев 2019 оны гуравдугаар сард халаагаа өгсөн билээ.

Эх сурвалж: www.polit.mn