Д.НАМУУНЦЭЦЭГ
Эх орны ирээдүй, өсвөр насныхны нэгэн төлөөлөл, ‘’Алдар’’ спорт хорооны тамирчин, хүндийн өргөлтийн олон улсын хэмжээний мастер Б.Эрдэнэзултай ярилцлаа. Одоо 16 настай тэрээр 13 наснаасаа хүндийн өргөлтийн спортыг сонгож хичээллэжээ. Хүндийн өргөлт маш сонирхолтой санагддаг байсан учир айх зүйлгүй шууд л хичээллэж эхэлсэн гэж байлаа.
-Эмэгтэй хүн хичээллэхэд жаахан хэцүү санагддаг л даа. Анхны тэмцээнээ дурсахгүй юу?
-Хүндийн өргөлтийн спорт нь хүнд өөртэйгөө өрсөлдөх боломж олгодог. Тийм учраас өөрийгөө ялж сурдаг. Түүний дараа өрсөлдөж чадна. Хэмжигдэхүүний спорт учраас бүх зүйл зарчим, төлөвлөлттэй байдаг. Тиймээс ч аливаад хариуцлагатай, тууштай зан чанарыг илүү төлөвшүүлж чаддаг гэж боддог. Үнэхээр гоё төрөл. Би хүндийн өргөлтөөр хичээллэж эхлээд нэг сарын дараа анхныхаа тэмцээнд оролцож мөнгөн медаль хүртэж байсан. Түүний дараагаар өсвөрийн хүүхдийн наадам, залуучуудын улсын аварга,насанд хүрэгчдийн улсын аварга зэрэг тэмцээнүүдэд түрүүлсэн. Хамгийн сүүлд Ази тивийн аваргад амжилттай оролцоод ирсэн.
-Бэлтгэл сургуулилтаа хэрхэн хийдэг вэ?
-Манай “Алдар” спорт хороо цэргийн байгууллага учраас хатуу, чанга зохион байгуулалттай явагддаг. Ямар ч үед бэлэн байж чаддаг гэсэн үг. Манай гэр Эмээлтэд байдаг. Өөрөөр хэлбэл ‘’Алдар’’ спорт хорооноос 35.6 км зайтай. Гэсэн ч би нэг ч удаа бэлтгэлээ тасалдуулж байгаагүй. Энэ бол миний зорилгын төлөөх хичээл зүтгэл гэж ойлгодог.
-Таны цаашдын зорилго, хүсэл мөрөөдөл юу вэ?
-Хамгийн ойрын зорилго гэвэл жингээ нэмэх төлөвлөгөөтэй байгаа. Өөрийнхөө өндөртөө харьцуулаад тэд орчим килограммд барилдвал амжилт үзүүлэх боломжтой гэж тооцож үздэг. Мөн 2021 оны өсвөрийн Ази тивийн аварга, дэлхийн аварга шалгаруулах тэмцээнд оролцох бэлтгэлдээ орсон байгаа. Цаашдаа олимп, тив дэлхийн аваргадтүрүүлж улсынхаа нэрийг цуурайтуулсан тамирчин болохыг зорилгоо болгон хичээж байгаа.
Эх сурвалж:www.polit.mn