Г.Пүрэвгочоо
Тулгар төрийн 2229, Их Монгол Улс байгуулагдсаны 814, Ардын хувьсгалын 99, Ардчилсан хувьсгалын 30 жилийн ойн үндэсний их баяр наадам ирэх долдугаар сарын 11-12-ны өдрүүдэд Улаанбаатар хот, 21 аймаг, 339 суманд нэгэн зэрэг явагдахаар болоод байна. Энэ жилийн Үндэсний их баяр наадмыг Херо Б.Баатар найруулах нь тодорхой болж, наадмыг 13-р зуун аялал жуулчлалын цогцолбор газарт зохион байгуулахаар болжээ. Мөн энэхүү цогцолбор нь Ерөнхийлөгч Х.Баттулгын эзэмшлийнх аж.
Цар тахлын үед олон хүнийг нэг дор цуглуулахгүй, цомхон хүрээнд үзэгчгүй наадам зохион байгуулах шийдвэр гарч, Үндэсний их баяр наадмын хорооноос ч энэ жил технологийн дэвшил, шинэ шийдлийг ашиглан үзэгчдэд хүргэхээр болсон юм. өнөө жилийн улсын наадмыг “XIII зуун” аялал жуулчлалын баазад хийн, “Херо”-гийн Б.Баатар найруулахаар болсон. “Херо” Б.Баатар найруулагч энэ жилийн үндэсний их баяр наадмыг өөрийн хүссэнээр, төв цэнгэлдэх хүрээлэнд биш Улаанбаатар хотоос 96 километрын зайд шинэ содон найруулгаар хийхээр болжээ.
Эх сурвалж:www.polit.mn