Т.НОМИН

УИД-ийн барилгад гал алдсан хэргийн талаар Мөрдөн байцаах албаны хэлтсийн дарга, цагдаагийн хурандаа Ш.Амартүвшинээс тодрууллаа.

- Хэргийн газрын үзлэг, шалгалт аль шатанд явж байна вэ?

- УИД-ийн барилгад гал алдсанаас хойш хэргийн газрын үзлэгийг шуурхай зохион байгуулсны үр дүнд 5 давхар хүртэл бүх үзлэг, шалгалтыг хийж дуусгасан. 2020 оны 6 дугаар сарын 10-н буюу өнөөдөр 6 дугаар давхрын хэргийн газрын үзлэгийг үргэлжлүүлэн зохион байгуулна

- Ажлын хэсгийн бүрэлдэхүүний талаар тодруулахгүй юу?

- Цагдаагийн ерөнхий газрын Мөрдөн байцаах албанаас ажлын хэсэг томилогдон гарч, энэхүү обьектод хэргийн газрын үзлэгийг явуулж байгаа юм. Одоогийн байдлаар тус гал гарсан обьектод цагдаагийн байгууллагаас 20 мөрдөгч, прокурор, шинжээч, мэргэжлийн хяналтын байцаагч, “Номин холдинг” ХХК-аас томилогдсон ажлын хэсэг харилцагч, түрээслэгчийг байлцуулан хэргийн газрын үзлэгийг 3 дахь өдрөө зохион байгууллаа.Мөн Чингэлтэй дүүргийн цагдаагийн газрын алба хаагч нар обьектыг үргэлжлүүлэн хамгаалалтад аваад ажиллаж байна.  УИД-ийн 6 дугаар давхар шатаж байна гэсэн дуудлага 6 дугаар сарын 7-ны өдрийн 16:48 цагт хүлээн авч, цагдаагийн байгууллагаас 138 алба хаагч обьектыг бүрэн хамгаалалтад авч, Онцгой байдлын хэлтсийн Гал түймэр унтраах, аврах 7 ангийн 230 гаруй алба хаагч ажиллаж, 21:30 цагт бүрэн унтраасан.

Эх сурвалж:www.polit.mn