Т.САЙХАН
Өчигдөр буюу тавдугаар сарын 29-ний 19.00 цагийн орчимд гурван сартай хүүхэд болон 37 настай эмэгтэй зургаан давхраас унаж амиа алдсан хэрэг гарлаа.
Тодруулбал, Баянгол дүүргийн 14 дүгээр хорооны нутаг дэвсгэрт зургаан давхраас эмэгтэй хүн хүүхдээ тэврээд үсэрчихлээ хэмээх дуудлага цагдаагийн байгууллагад бүртгэгджээ. Тус дуудлагыг авч хэргийн газарт бүрэлдэхүүн ажиллахад 1983 онд төрсөн эмэгтэй "У" нь өөрийн охин 3 сар (эм) "Т"-г тэврэн өндрөөс унаж нас барсан нөхцөл байдал тогтоогдсон талаар ЦЕГ-аас мэдээллээ.
Эмэгтэй болон гурван сартай хүүхэд газар дээрээ амиа алдсан бөгөөд хэргийг Баянгол дүүргийн цагдаагийн хэлтэс шалгаж байна.
Эх сурвалж:www.polit.mn
Doogii
Huurhii duu argaa baraad l iim alham hiisen bh.Um maani badmi hum.