Х.ОЮУНБОЛД
Японы эрх баригчид Киото хүүхэлдэйн студид 10 сарын өмнө санаатай түймэр тавьснаар 30 гаруй хүний аминд хүрсэн хэргийн эзнийг баривчилжээ. Цагдаа нар Японы түүхэн дэх 33 хүн шархдаж, 36 хүн нас барсан олон нийтийг хамарсан хядлага гэж үзэж байгаа түймэрт түлэгдэж хүнд бэртсэн түүний шарх хангалттай эдгэрсний дараа энэ шийдвэрийг гаргасан байна. Шинжээчид энэ хэргийн эзэн сэтгэцийн өвчтэй 42 настай Шинжи Аоба нь зохиолыг нь хулгайлсан учраас барилгыг шатахуун ашиглан шатааса н гэв. Цагдаагийхан анх гэмт хэрэгтний биеийг сайжрахаар өнгөрсөн нэгдүгээр сард баривчлахаар төлөвлөж байжээ. Гэвч коронавирус болон түүний эрүүл мэндийн байдлын улмаас түр хойшлуулсан байна. Шинжи Аоба “ Шатахуун ашгиглаж олон хүнийг хөнөөхийг бодсон” гэж ярьжээ. Мөн хийсэн үйлдлээ ямар нэгэн алдаа гэж үзэхгүй байгааг цагдаагийнхан мэдээлсэн байна. Харин Киото хүүхэлдэйн студийнхэн түүнд хийсэн хэргийнх нь улмаас ялын дээд хэмжээ онооно гэж найдаж байна. Компанийн мэдэгдэлд манай нас барсан ажилчид хэзээ ч буцаж ирэхгүй, манай ажилчдын шарх хэзээ ч эдгэрэхгүй гэж мэдэгджээ.
Эх сурвалж: www.polit.mn