Т.САЙХАН
МАН-ын Удирдах зөвлөлийн тогтоол бүхий “ Нэр дэвшигчдээсээ их хэмжээний мөнгө татаж байна” гэх мэдээлэл цахим орчинд тарсан. Тэгвэл үүнтэй холбоотойгоор МАН-аас мэдэгдэл гаргажээ. Тус мэдэгдэлд “ Монгол Ардын Намын удирдлага, нэр дэвшигчдийн нэр хүндийг гутаах зорилгоор тарааж буй хуурамч мэдээллийг албан ёсоор няцааж, мэдээллийг үйлдсэн этгээдүүдийг илрүүлж, зохих хариуцлага тооцуулахаар хууль хяналтын байгууллагад гомдол гаргана.Төрийн эрх барих дээд байгууллагаа сонгох гэж буй энэ хариуцлагатай үед иргэдийн Үндсэн хуулиар олгогдсон сонгох, сонгогдох эрхийг хүндэтгэн хариуцлагатай, шударгаар өрсөлдөхийг нийт улс төрийн нам, нэр дэвшигчдэд уриалж байна.Дашрамд дурдахад, Монгол Ардын Намын даргад Ерөнхий нарийн бичгийн дарга үүрэг чиглэл өгөх эрх хэмжээ намын дүрмэнд байхгүй бөгөөд Удирдах зөвлөлийн тогтоолд Удирдах зөвлөлийн бүх гишүүд гарын үсэг зурснаар баталгааждаг” гэсэн байна.
Эх сурвалж:www.polit.mn