1. Аугаа эх орны дайны ялалтын 75 жилийн ойн баярын өдөр удахгүй тохиох гэж байна. Энэ дайнд БНМАУ ямар үүрэг оролцоотой байсан бэ Монголын ард түмэн өөрсдөө дайн гэдэг зүйлийг үзчихсэн байсан учраас Оросын ард түмэнд тулгарсан энэ хатуу, хэцүү цаг үеийг шууд өөрсөддөө тусгаж авсан. Нөгөө талаар нөхрийг ядарч байвал тусла гэсэн сайхан үгээр ч илэрхийлж болно. 

2. Монголчууд 1941-1945 онд ЗХУ-д зургаан удаа бэлгийн цуваагаа явуулж байсан. Энэ бэлэгний утга санаа нь “Бид та нартай хамт. Та нар биднийг ядрахад чин сэтгэлээсээ тусалж байсан. Маш олон цэрэг дайчид чинь Халхын голд мөнх унтсан. Тэдний ач гавьяа, ахан дүүсийн барилдлагаа санаж бид ийнхүү ирлээ” байв

3. Монголын ард түмний чин сэтгэлийн хандиваар бүтэж, Берлин хот хүртэл чөлөөлөхөд оролцсон танк өнөөдөр Зайсан толгойд байна.  Мөн Монголын ард түмний чин сэтгэлийн өглөгийг хүндэтгээд 2017 онд “Ялалтанд тэмүүлсэн агт морьд” нэртэй хөшөө Москва хотын ойролцоо бий.

4. Аугаа эх орны дайнд ЗХУ 27 сая хүнээ алдсан байдаг. Дайны дараагаар 1942-1945 онд  12 баатар хот, нэг баатар цайзыг бий болгосон. Энэ бол дайнд зөвхөн эрчүүд байлдаагүй. Өвгөд хөгшид, хүүхэд залуус гээд ард түмэн тэрчигээрээ оролцсоныг илтгэдэг юм. 

5. Георгий Константинович Жуков бол яах аргагүй цэргийн замнал, байлдааны ажиллагааг өндөр түвшинд зохион байгуулах авьяасыг БНМАУ-ын нутаг дэвсгэрээс олсон байдаг байдаг. Монголын ард түмэн энэ хүнд хайртай.

6. Георгий Константинович Жуков Аугаа эх орны дайны үед таван том фронтыг удирдсан байдаг. Тэр дундаа Москваг германуудаас булаах, Ленигнрадын сэтлэлтийг бут цохих, Сталинградын тулаан, Берлин хоыг 1945 оны дөрөвдүгээр сард эзлэн авахад хамгийн түрүүнд орж байсан.

7. Аугаа эх орны дайны жилүүдэд нийт 77 эмэгтэй ЗХУ-ын баатар цол хүртсэн байдаг.

8. Дайн гэдэг хүсэх зүйл биш. Олон улс орон үүнийг ойлгож мэдэрдэг байх. Хүйтэн зэвсэг, хайртай хүнээ алдана гэдэг ямар их зовлон бэ. Тиймээс бидний эрхэм зорилго бол энэ бүхнийг таниулж, сурталчлахад оршиж байгаа юм.

9. Хүүхдүүд маань туулж өнгөрүүлсэн түүхээрээ бахархдаг юм байна. Түүхээ хүндэтгэж байгаа юм байна. Унших юм байна. Миний ирээдүй Монгол Улсыг авч үлдэж чадах юм байна” гэж би итгэдэг.

10. Бид  дунд сургуулийн багш нартайгаа бас их хамтардаг. Манай багш нар хүүхдүүдэд түүхээ мэддэг болоход нь их хөрөнгө оруулж байгаа. Маш сайн ярьж өгдөг.

Эх сурвалж: www.polit.mn