Х.ОЮУНБОЛД

БНХАУ-ын Шанхай хотын коронавирусыг судлах мэргэжилтнүүдийн багийн ахлагч, доктор Жан Вэньхун олон оронд тархаад байгаа цар тахлын II дахь давалгаа ирэх намраас дэлхийн хэмжээнд дэгдэх өндөр магадлалтайг сануулжээ. “Кайсин” сонинд түүнийг цар тахал нь энэ зун дуусна гэсэн магадлал их бага гэж таамаглаж байгаа болон ирэх жил хүртэл үргэлжилнэ гэж онцолсныг бичсэн байна. Тэрээр “Одоогоор халдварт өвчин нь эгзэгтэй үедээ хүрээд байна. Мөн Европ, АНУ болон бусад оронд байдлыг хяналтдаа аваагүй байна. Харин эдийн засаг нь сул хөгжсөн, эмнэлгийн багаж хэрэгсэл хангалттай биш Энэтхэг, Африк, Өмнөд америкт халдвар авсан шинэ тохиолдол хурдан нэмэгдсэн нь дэлхийн орнууд энэ өвчинтэй тэмцэж чадах эсэхэд эргэлзэхэд хүргэж байна” гэв. 
Түүнээс гадна Европ болон АНУ-д шинээр халдвар авах хүмүүсийн тоо аажмаар нэмэгдэнэ. БНХАУ байдлыг хяналтдаа аваад байгаа ч халдварт өвчний хоёр дахь үе дэгдсэн тохиолдолд гурван зүйлийг анхаарах хэрэгтэй. Тухайлбал, БНХАУ хил гааль, хүмүүс, өвчний хяналт болон эмнэлгийн систем гэсэн гурван хамгаалалтын шугамыг анхаарах хэрэгтэй болохыг онцолжээ. Мөн өөр орноос ирж байгаа хүмүүсийг тогтмол хянах, ирснээсээ хойш хамгийн багадаа 14 хоног ажиглалтад байх ёстой гэв.

Эх сурвалж: www.polit.mn