Х.ОЮУНБОЛД

Эрүүл мэндийн сайд Энрике Мандеттаг албан тушаалаас нь огцруулахаар шийдвэрлэсэн Бразилийн ерөнхийлөгч Жайр Болсонаругийн Засгийн газарт цэргийнхний оролцоо нэмэгдэж байна. Гэхдээ тэрээр зэвсэгт хүчний өндөр албан тушаалтнууд дарамт үзүүлсний дараа бодлоо өөрчилсөн аж. Паулиста төрийн их сургуулийн геополитикийн профессор Хосе Гильберто Соуза энэ талаар “Орбит” агентлагтай ярилцжээ.

Иргэний танхимын тэргүүн, генерал Валтер Брага Нетто болон Засгийн газрын нарийн бичгийн дарга Луйс Эдуардо Рамос нар энэ сарын 6-нд ерөнхийлөгч Жайр Болсонаруг Эрүүл мэндийн яамны сайд Энрике Мандеттаг албан тушаалаас нь огцруулах шийдвэрээ өөрчлөхийг уриалсан байна. Харин ерөнхийлөгчөөс гадна олон депутат болон бусад төрийн албан тушаалтнуудыг албан тушаалаас нь огцруулах талаар мэдэгдсэнээр нэр хүнд нь унасан аж. Мөн эх оронд нь коронавирусын халдвар нэмэгдээд байгаа энэ үеэр хийсэн түүний үйлдэл нь улс төр болон нийгмийн эсэргүүцлийг хурцдуулахаас хэтрээгүй байна. Тухайлбал, сүүлийн долоо хоногт тус улсын олон хотод ерөнхийлөгч Жайр Болсонаруг эсэргүүцсэн хөдөлгөөн өрнөөд байгаа юм. Энэ талаар профессор Хосе Гильберто Соуза “Энэ нь Засгийн газрын дотор дэгдээгээд байгаа юм. Тухайлбал, хэт неолиберал үзэлтэй бүлэг нийгмийн эрүүл мэндийн хямрал нь Засгийн газарт цохилт өгөх, нийгмийг балмагдуулсан үйлдэл байж болзошгүй гэж үзэж байна. Энэ байр суурийг нь Эдийн засгийн сайд Пауло Гуэдес хамгаалж энэ бүлэг нь Засгийн газрын ямар ч хэлбэрийг унагаахыг хүсч байна. Нөгөө талаар бүлэг цэргийнхэн Засгийн газрын эрхэнд гарснаас гадна нийгэмд хууль, ёсыг тогтоох аргыг хайж байна” гэв.

Профессор Хосе Гильберто Соуза “Ерөнхийлөгчийн үйл ажиллагаа аажмаар хэрэгжиж байна. Зэвсэгт хүчин Жайр Болсонаругийн Засгийн газрыг бүтцээ бэхжүүлэх талбар гэж харж байна. Гэхдээ ерөнхийлөгч өөрөө энэ бэлэг тэмдгийг хайсан. Түүний сайд нарын ихэнх нь цэргийнхэн. Генерал Брага Нетто аажмаар одоо байгаа өндөрлөгт хүрэх замаа зассан. Үндсэн хуульд зааснаар дэд ерөнхийлөгчөөс илүү эрх мэдэлтэйгээс гадна захиргааны болон үйл ажиллагааг тусгаарладаг дотоод сүлжээ холбоог бий болгосон гэв.

Эх сурвалж: www.polit.mn