Х.ОЮУНБОЛД

Крым болон Севастапольд газартай гадаадын иргэд ОХУ-д  газраа худалдахад нь жилийн хугацаа өгсөн байна. Газраа худалдаагүй тохиолдолд улсынх болох аж. Энэ нь  ОХУ-ын ерөнхийлөгч Владимир Путины энэ сарын 20-нд гарын үсэг зурсан тушаалтай холбоотой юм байна.  Энэ тушаалаар гадаадын иргэдийг Крымийн  бүс нутаг,   Калининград хот, тус хотын 17 муж болон Астраканы бүс нутгийн 23 мужид газар ээзмшихийг хоригложээ. Гэхдээ Украинтай хиллэдэггүй болон Хар тэнгист гарцгүй бүс нутагт газар худалдаж авч болох аж.Крымийн өмгөөлөгч, газар эзэмших талын мэргэжилтэн Тейфук Гафаров “Коммерсант” сонинд гадаадын бүх иргэн жилийн дотор эзэмшил газар нутгаа худалдах эсвэл харьяа байгууллагад нь бүртгүүлэх ёстой гэв. Харин энэ хугацаанаас хэтэрвэл орон нутгийн эрх баригчид шүүхээр дамжуулан эзэмшил газрыг нь хураан авах эрхтэй. Гэхдээ газрын үнийг нөхөн олгоно гэж  ярьжээ.Энэ хууль нь ОХУ-ын иргэн болж хуулийн дагуу газраа өмч гэж бүртгүүлсэн Крымийн иргэдэд хамаарахгүй гэсэн байна.

Эх сурвалж: www.polit.mn