Т.САЙХАН
БНСУ-д суугаа Элчин сайдын яам иргэдээс утас, фэйсбүүк, мэйлээр ирүүлсэн нутаг буцах тухай хүсэлтийг Гадаад харилцааны яамаар дамжуулан Улсын Онцгой Комисст тухай бүр танилцуулж ирсэн. Энэ дагуу эхний тусгай үүргийн нислэг гуравдугаар сарын 15-нд хийгдсэн. Цаашид нутаг буцах хүсэлтэй олон хүн байгаа тул эдгээр иргэдийн тодорхой тоо, судалгааг гаргаж, Улсын Онцгой Комисст хүргүүлэхээр ажиллаж байгаа юм байна. Энэ сарын 12, 13-ны өдөр бүртгэлд хамрагдсан иргэд судалгаанд хамрагдах шаардлагагүй юм байна. Улсын Онцгой Комисс нь тусгай үүргийн нислэгтэй холбоотой бүх асуудлыг шийдвэрлэдэг. Иймд хоёр дахь удаагийн нислэг хийх шийдвэр гарахаар Улсын Онцгой Комиссоос хэвлэл мэдээллийн хэрэгсэлээр, ЭСЯ-наас фэйсбүүк, цахим хуудсаар иргэдэд тухайн үед мэдэгдэх болно хэмээн Монгол Улсаас БНСУ-д суугаа ЭСЯ-наас мэдээллээ.
Эх сурвалж:www.polit.mn