Х.ОЮУНБОЛД БНХАУ-ын Эрүүл мэндийн яамнаас өчигдөр коронавирус анх илэрсэн Ухань болон бусад хотод энэ өвчний халдвар авсан ямар ч тохиолдол  бүртгэгдсэнгүй гэж мэдээлжээ. Гэхдээ бусад орноос коронавирусын халдварыг авчирсан 34 тохиолдол бүртгэгдсэнээр хариу нь эерэг гарсан тохиолдлын үзүүлэлт 189 болсон байна. Шинээр нэмэгдсэн 34 тохиолдлын 21 нь Бээжинд, ес нь Гуандун мужид хоёр нь Шанхайд, Хар мөрөн мужид нэг, Жижян мужид нэг гарсан гэжээ. БНХАУ-ын эрх баригчдын хамгийн сүүлд өгсөн мэдээллээр коронавирусаар өвчилсөн 80928 тохиолдол, 3245 хүн нас барсан байна. Халдвар авч хүндээр өвчилсөн хүмүүсийн тоо 304 болжээ. Түүнээс гадна коронавирусаар өвчилсөн 23 хүн байна гэж сэжиглэж байгаа аж. БНХАУ-д энэ өвчнийг туссан гэж үзэж байгаа 105 тохиолдол бүртгэгдсэн байна. Нөгөө талаар 819 хүн эдгэрснээр 70420 өвчтөн  эмнэлгээс гарчээ. Гэхдээ 7263 өвчтөн эмнэлэгт байгаа аж. Халдварт өвчтэй хүнтэй ойр дотно байсан 9144 хүн эмчийн хяналтад байгаа бол 1032 хүн эмнэлгийн хяналтаас гарсан гэж мэдээлжээ. Мөн Хонгконгод 192,  Макаод 15 коронавирусын халдвар авсан тохиолдол бүртгэгдсэн байна. Гэхдээ Макаод 10, Хонгконгод 95 хүн эдгэрч, дөрвөн хүн нас барсан байна. Эх сурвалж www.polit.mn