Т.САЙХАН БСШУС-ын сайд Ё.Баатарбилэг цаг үеийн асуудлаар мэдээлэл хийсэн.  Сургууль цэцэрлэгийн асуудлаар УОК-оос тус яаманд ханджээ.  Цаашид коронавирусын тархалт ямар байгаа, сургууль, цэцэрлэгийн үйл ажиллагааг зогсоосон байгааг үргэлжлүүлэх эсэх дээр мэргэжлийн байгууллагуудаас санал авахаар хандаад байгаа хэмээн салбарын сайд нь хэллээ.  Мөн тэрээр "Мэргэжлийн байгууллагуудын санал дээр үндэслээд цаашид ямар зохицуулалт хийх вэ гэдэг саналаа баасан гарагийн УОК-ын хуралдаанд оруулна.  Гуравдугаар сарын 30-наас сургууль, цэцэрлэг эхлэх учраас сунгах эсэх асуудлыг адаглаад долоо хоногийн өмнө саналаа боловсруулж, шийдүүлнэ.  Үргэлжлүүлэх эсэх дээр яам дангаараа санал гаргахгүй. Эрүүл мэндийн байгууллагаас ирүүлсэн саналыг үндэслэж УОК-т санал оруулах юм.  Олон нийтийн зүгээс хоёр санал ирж байгаа. Эцэг эхчүүд, сургалтын байгууллагуудаас хичээл, сургуулийг оруулмаар байна гэж байгаа бол нөгөө хэсэг нь хорио цээрийг сунгамаар байна гэдэг.  Үүнтэй холбоотойгоор 12 дугаар анги төгсөж байгаа 28 мянга гаруй хүүхдэд элсэлтийн ерөнхий шалгалтад бэлдэх зөвлөмж, мэдээллээр CD бэлтгэн тараах ажлыг зохион байгуулах гэж байна. Тэрэн дээр нь 12-р ангийн теле хичээлийг бүгдийг нь оруулна гэлээ. Эх сурвалж:www.polit.mn