Т.САЙХАН Эрүүл мэндийн яам, ХӨСҮТ болон бусад холбогдох албаныхан коронавирусын халдварын нөхцөл байдлын талаар мэдээлэл хийлээ.  ХӨСҮТ-ийн захирал Д.Нямхүү  “2020 оны гуравдугаар сарын 11-ний өдөр  халдвар авсан нь батлагдсан Франц иргэний тохиолдлын хавьтал болох 88 хүний давтан шинжилгээнд халдвар илрээгүй. Франц иргэнтэй холбоотой хавьтлуудын шинжилгээ өмнө нь тодорхой мэдээлэгдсэн бөгөөд хавьтлуудын шинжилгээний хариу үүгээр дуусаж байна. Мөн 2020 оны гуравдугаар сарын 15-ны өдөр ХӨСҮТ-д тусгаарлагдсан нэг, Баян-Өлгий аймагт тусгаарлагдсан нэг хүний шинжилгээний хариу тус бүр сөрөг гарч, коронавирус илрээгүй. Өчигдөр ХӨСҮТ-д нэг сэжигтэй тохиолдол тусгаарлагдсанд тандалт судалгаа хийж байна гэлээ.  Түүнчлэн   БНСУ-аас ирж тусгаарлагдсан хоёр, Франц улсаас дамжин ирж тусгаарлагдсан нэг тохиолдол гээд нийт гурван хүний шинжилгээнд коронавирус илэрч,  тохиолдол албан ёсоор бүртгэгдсэн.  Ойрын хавьтал болох 111 хүнийг тусгаарласан. Үүнээс 61 хүний шинжилгээний хариу нь сөрөг гарч, коронавирус илрээгүй. Үлдсэн ойрын хавьтлуудад шинжилгээ хийгдэж байгаа юм байна.  Францын биеийн болон сэтгэл санааны байдал сайн байгаа гэж Д.Нямхүү дарга мэдээллээ. Эх сурвалж:www.polit.mn