-Гэхдээ компанийн удирдагчид “өөрсдийн ашиг сонирхлын төлөө тэмцэж байгаа” гэдгийг ерөнхийлөгч онцлов-

  Д.ЭНХЭЭ Одоо бол оросын томоохон компанийн удирдагчид тэртээ 1990-ээд оных шиг улс орныг удирдан жолоодох үйл хэрэгт нөлөөлөх гэж оролдохоо больсон хэмээн ОХУ-ын Ерөнхийлөгч нотлов. “Владимир Путинд тавих 20 асуулт” хэмээх төслийн дагуу төрийн тэргүүн ТАСС агентлагтай ярилцахдаа “бизнесийн ахмадуудыг” мэддэг байсан, одоо ч мэднэ, бүгдтэй нь ажиллаж байсан хэмээн өгүүлжээ. “Хэн нэгнийг чангалах, эсвэл хаа нэгтээ эрчлээс зангилаа суллах, мөн тэдэнд зориулж янз бүрийн байр сав бэлтгэх зэрэгт хэргийн учир оршихгүй. Хэргийн учир үүнд огтхон ч байхгүй. Хэргийн учир юунд оршино гэж та бодож байна? Улс орныг удирдан жолоодоход тэднийг ойртуулахгүй байх, улс төрийн шийдвэрт тэд нөлөөлдөггүй байхад оршино” – хэмээн ерөнхийлөгч итгэлтэй байна. Түүний хэлснээр “тэгж чадвал, одоо ч тэд бүгд л арга саам хайж, өөрсдийн ашиг сонирхлыг лоббиддог. 1990-эд он хийгээд өнөөгийн ялгаа юунд оршдог вэ гэвэл тэр үед дотоодын болон эдийн засгийн бодлогын, тэр ч байтугай гадаад бодлогын асуудлаар ч төрөөс гаргаж байгаа шийдвэрт тэд [“бизнесийн ахмадууд”] шууд нөлөөлдөг байсан. Аюулгүй байдлын асуудлаар ч мөн адил. Өнөөгийн компанийн удирдлагуудад тийм дархан эрх даан ч байхгүй” гэж Путин хэлэв. Төр засгийн бодлогод бизнесменүүд нөлөөлөх гэж оролдохоо аль хэдийн больсон гэдгийг төрийн тэргүүн онцлов. “Энэ бол боломжгүй гэдгийг тэд ойлгож, тийшээ зүглэхээ ч больсон” хэмээн тэр тайлбарлав. Гэхдээ компанийн удирдагчид “өөрсдийн ашиг сонирхлын төлөө тэмцэж байгаа” гэдгийг Ерөнхийлөгч онцлов. Жишээ болгож, Евроазийн эдийн засгийн холбооны хэмжээнд газрын тос, байгалийн хийн үнийн асуудлаар түншүүдтэйгээ хэлэлцэж байгааг тэрээр дурдав. “Мэдээж, тэд өөрсдийн байр сууриа хамгаалж байгаа, энэ нь ч ойлгомжтой. Гэхдээ дотроос нь нөлөөлөх гэж оролдохгүй, тэд зүгээр л байр сууриа тайлбарлаж, өөрсдийгөө зөв гэдгийг нотлож байгаа, гэхдээ энэ бол тэдний практик ашиг сонирхлын явцуу сегментэд хамаардаг. Энэ бол байх ёстой зүйл” хэмээн Орос Ерөнхийлөгч хэлсэн байна. Эх сурвалж: www.polit.mn