Сөүлд коронавирусын томоохон халдварын голомт илрүүлжээ

Нүүр

Дэлхийн улс төр

Сөүлд коронавирусын томоохон халдварын голомт илрүүлжээ

2020-03-11

Нийтэлсэн: Админ

1 мин

ХУВААЛЦАХ

ЖИРГЭХ

-Өмнөд Солонгос улсад шинэ төрлийн коронавирусээр халдварласан хүний тоо 7755-д хүрчээ-

Д.ЭНХЭЭ Сөүлийн нэгэн дуудлагын төвийн ажилтнууд болон тэдгээрийн гэр бүлийн гишүүн 90 хүн шинэ төрлийн коронавирусын халдвар авчээ. Лхагва гаригт Өмнөд Солонгосын нийслэлийн захирагч Пак Вон Суны мэдэгдсэнээр энэ бол тус хот дахь халдварын томоохон голомт болсон ажээ. Тус төв даатгалын компанийн мэдлийнх бөгөөд нийслэлийн Куро-гу тойргийн Силлим-дон дүүрэгт оршдог аж. Өндөр барилгад нийтдээ 550 хүн ажилладаг бөгөөд тэдгээрээс коронавирусын шинжилгээ авч байгаа юм байна. Уг компанийн хоёр ажилтан Дэгү хотод олныг хамарсан өвчлөл дэгдээсэн шашны Шинчёнжи сүмтэй холбоотой болохыг тогтоожээ. Гэхдээ эдгээр хоёр ажилтан вирус тээгч биш болохыг шинжилгээний дүн харуулсан хэмээн Пак Вон Сун онцолжээ. Лхагва гаригийн байдлаар Өмнөд Солонгос улсад шинэ төрлийн коронавирусийн халдвар авсан хүний тоо 7755, нас барсан хүн тоо 61-д хүрчээ. 288 хүн эдгэрч эмнэлгээс гарсан байна. Эх сурвалж: www.polit.mn