Д.ЭНХЭЭ Ерөнхийлөгчийн сонгогдох хугацаанд тавьсан хязгаарлалтыг Үндсэн хуулиас хасах нь зохисгүй хэмээн Төрийн думд өчигдөр  /2020.3.10/ үг хэлэхдээ Владимир Путин илэрхийлжээ. “Нэгдмэл Орос” намаас сонгогдсон депутат Валентина Терешкова мягмар гаригт үг хэлэхдээ Үндсэн хуульд нэмэлт өөрчлөлт оруулсны дараа Ерөнхийлөгчийн сонгогдох хугацаанд тавьсан хязгаарлалтыг хасах санал гаргажээ. "Тэр үед улс оронд шийдвэрлэх шаардлагатай асуудал их байсан, харин улс төр, эдийн засаг, нийгмийн салбарууд дотооддоо тогтворжин боловсорч, улс орон урьд урьдынхаас хавьгүй илүү хүчин чадалтай, гадны халдлага, нөлөөнд амархан автахааргүй болсон үед засгийн эрх мэдэл ээлж дараатай байх боломж тэргүүн зэрэгт гарч ирэх нь зайлшгүй. Энэ бол улс орны хөгжлийн динамик үйл явцад хэрэгтэй” хэмээн Ерөнхийлөгч хэлжээ. “Алс хэтдээ” засгийн эрх мэдлийг ээлжээр барьдаг байх баталгаа нийгэмд байх ёстой хэмээн тэрээр онцолсон байна. "Ирээдүй үеийнхнийхээ талаар та бид хамтдаа бодож тунгаах хэрэгтэй байна”  хэмээн тэр нэмж хэлсэн байна. Эх сурвалж: www.polit.mn