Т.САЙХАН Дорноговь аймгийн Улаанбадрах суманд байх "Бадрах энержи" компаниийн ажилтан Францын иргэнээс коронавирус илэрлээ.  Тэрээр гуравдугаар сарын 02-ны өдөр Аерофлотын онгоцоор Монголд ирсэн байна. Түүнтэй хамт онгоцоор зорчсон , зочид буудал, гал тэрэг зэрэгт нэгдүгээр хавьтал болсон хүмүүсийг тусгаарлаж, дам хавьтсаныг олж тогтоох ажиллагаа явагдаж байна. Өнөөдрөөс эхлэн Улаанбаатар хотоос гарах, орох хөдөлгөөн болон хот хоорондын тээвэр, хувийн автомашины хөдөлгөөнийг даваа гарагийн 07.00 цаг хүртэл хориглолоо. ЭМ-ын сайд Д.Сарангэрэл  “ХӨСҮТ-ийн мэргэжлийн баг Дорноговь аймаг руу явсан. Францын иргэний биеийн байдал харьцангуй тогтвортой байна. Халуурч эхэлсэн даруйд эрүүл мэндийн байгууллагаас өөрийгөө 14 хоног тусгаарлах зөвлөмжийг тухайн иргэнд өгсөн ч үл хайхран гадуур явсан байна” гэв. Түүнчлэн "COVID-19" илэрсэн Францын иргэнтэй нэгдүгээр хавьталд байсан хоёр иргэнд эрүүл мэндийн байгууллагаас зөвлөмж, анхааруулга хүргүүлсэн ч үл хайхран Дорноговь аймгийн нутгаас гарсан байна. Дээрх хоёр иргэнд хуулийн хариуцлага тооцно гэдгийг мөн УОК-ын гишүүд хэлсэн юм. Эх сурвалж:www.polit.mn