Ч.ЗОТОЛ Эрүүл мэндийн яамнаас цаг үеийн асуудлаар  ээлжит мэдээллээ хийлээ.  Өнөөдрийн байдлаар дэлхийн 73 оронд коронавирусийн Covid-19 халдвар илэрсэн бол,  есөн  оронд шинээр бүртгэгджээ. БНХАУ-д covid-19-ийн халдварын хүрээг  хумиж, хянаж эхэлсэн гэсэн байна. Улс орнуудад илэрч буй халдварын  тохиолдлууд өөр байгааг  мэргэжилтнүүд хэллээ.  Өнөөдрийн байдлаар дайчилгаанд бэлтгэгдэж байсан  эмч нараас авто тээврийн хяналт, тусгаарлах эмнэлгүүдэд ажиллаж байгаа гэв. Нэгдүгээр сарын 6-наас хойш  нийт  810 хүнийг ажиглалтад авсан бөгөөд өнөөдрийн байдлаар 401 иргэнийг тусгаарлан  хяналтад авчээ.  Үүний дотор өнөөдөр өглөө  Турк-Улаанбаатар чиглэлийн онгоцоор ирсэн  иргэдээс 16-г нь тусгаарлаж, хяналтад авсан гэв. ДЭМБ-аас коронавирусийн халдварыг цар тахал гэж нэрлээгүй бол БНСУ, Итали улс анхаарал татаж байгааг ДЭМБ-ын мэргэжилтнүүд хэлж байна. Нийт 38 улс 10-аас доош тохиолдолтой,  130 улсад халдвар илрээгүй байгаа юм. ХӨСҮТ-ийн захирал Д.Нямхүүгийн мэдээлснээр  энэ  сарын 1-ны өдөр нийт таван тохиолдол тусгаарлагдаж, шинжилгээний хариу сөрөг гарсэн байна.  Харин өчигдөр  гурван сэжигтэй тохиолдол бүртгэгдсэнийг  тусгаарласнаар  ХӨСҮТ-өөс нийт 100 хүнийг эмчийн хяналтад авсэн байна. Эх сурвалж: www.polit.mn