Ц.Баяр Хөвсгөл аймагт хоёр иргэнийг тусгаарласан мэдээлэл байна. Тэгвэл тэдний нэг нь Тэгүд сурч байсан оюутан байх магадлалтай гэсэн мэдээллийг албаныхан өгч байна. Хоёр иргэнийг энэ сарын 25 -ний орой аймгийн нэгдсэн эмнэлгийн ажиглалтын байранд авч иржээ. Нэг иргэн нь хоёрдугаар сарын 12-нд Монгол Улсаас Солонгос улс руу нислэг хийсэн онгоцны багийн ахлагч нисэгч аж. Тэрээр, Солонгос улсад эмчлүүлэхээр яваад нас барсан иргэн О -гийн онгоцын багийн нэг нисэгч. Өөрөөр хэлбэл, тус онгоцонд явсан 48 монгол иргэний нэг юм байна. Түүнийг Хөвсгөлд амарч явахад нь ийнхүү тусгаарласан аж. Нөгөө нэг иргэн нь оюутан. Тэрээр энэ сарын 20-нд Солонгос улсаас Монголд ирсэн юм байна. Тэрээр хил дээр өгсөн асуумжаа буруу өгсөн байх магадлалтай хэмээж байна. Тиймээс түүнийг Хөвсгөлд байх хугацаанд нь Хөвсгөл аймгийн албаныхан ийнхүү тусгаарлаад байгаа юм байна. Тэр Солонгосын Тэгү хотод сурч байсан байх магадлалтай байна. Асуумжаа буруу өгснөөс хяналт шалгалтынхан тавьж явуулжээ. Одоогоор сорьцын шинжилгээ авч дээжийг өнөөдөр өглөө буюу энэ сарын 26-нд ХӨСҮТ-д хүргүүлээд байна. Маргааш гэхэд хариу гарна. Хоёр хүний биеийн байдал хэвийн халуураагүй байна гэж Хөвсгөл аймгийн ЭМГ-ын дарга М.Үүрийнбаяр хэлэв. Эх сурвалж:www.polit.mn