Т.САЙХАН Засгийн газрын өнөөдрийн /02.26/ хуралдаанаар коронавирусын халдвартай холбоотойгоор зарим асуудлаар шийдвэр гаргалаа. Энэ үеэр Ерөнхий сайд У.Хүрэлсүхийн хэлсэн үгийг хүргэж байна. Тэрээр “Ард иргэдээ зөв ойлгуулах чиглэлээр ярилгүй яах вэ. Гэхдээ одоо засаглах цаг болсон, Т.Бадрал дарга аа. Одоо хаана, хорино, шийтгэх арга хэмжээ уруу орно. Ингэж байж энэ нөхцөл байдлаа давна. Тогтоол, шийдвэр, захирамжийг хэрэгжүүлэхгүй байгаа бол тодорхой хэмжээний хариуцлага тооцно. Иргэн хүн иргэний үүргээ биелүүлэх ёстой. Энэ бол нэг хоёр хүний эрх ашиг биш. Нэг хоёр хүний цагаан сараар гэр орондоо очиж золгох асуудал биш. Энэ бол нийтийн эрх ашиг. Энэ бол улс үндэстний аюулгүй байдал, амь настай холбоотой асуудал. Тиймээс дүрэм, журмаа сахиулах ёстой. Улсын Онцгой комисс сайн ажиллаж байна гэж бодож байна, цаашдаа ч сайн ажиллах ёстой. Хорио цээрийн дэглэмийг сунгах нь зүйтэй. Маргааш хот хоорондын хөдөлгөөнийг нээлээ, замбараагүй байдал үүсэж, сар шинийн золголт үргэлжилнэ. Ханиад томуу агаар дуслын замаар халдаж буй бүх өвчин дамжина. Бид хэдэн сар тэвчиж, тэсэх хэрэгтэй. Эдийн засгийн нөхцөл байдал хүндэрч байна, тэрийг харж байна. Гэхдээ одоо бол шинжлэх ухаанд тулгуурласан, холбогдох байгууллагын гаргасан зөвлөмж, дүгнэлтэд тулгуурлаж Засгийн газар, хүчний байгууллага болон бусад байгууллага ажлаа хийх цаг болсон. Хэл ам гарах юм байна, олон түмэн бухимдах юм байна гэсэн асуудал байхгүй. Энэ бол улсын аюулгүй байдалтай холбоотой асуудал” гэжээ. Эх сурвалж:www.polit.mn