Т.САЙХАН Төмөр хулгана жилийн битүүний өдөр буюу маргаашаас хот хоорондын тээврийн хөдөлгөөнийг хаахаар болсон билээ. Энэхүү хязгаарлалт дөрөв хоногийн хугацаанд үргэлжлэх юм.  Энэ талаар Улсын Онцгой комиссын дарга Ө.Энхтүвшин "Гэхдээ нислэгийг хязгаарлахгүй. Харьцангуй цөөн нислэг буюу уул уурхайн компаниудын захиалгат нислэгүүд байгаа. Бусад автобус, вагон, автомашинаар зорчих хөдөлгөөнд хязгаарлалт хамаарна" гэв. Эдгээр өдрүүдэд  цаг агаарын байдал муудаж, их хэмжээний цас орж халтиргаа гулгаа үүсэж, замын нөхцөл байдал хүндэрч болзошгүй байгаа юм. Иймд иргэд  батлагдаагүй зам, замгүй хэсгээр уул, ус, хад асгатай газраар зорчиж өөрийн болон бусдын амь нас, эрүүл мэндэд аюул, занал учруулахгүй байхын анхааруулж ОБЕГ-ын дарга Д.Бадрал анхааруулсан билээ. Мөн хөл хорио тогтоосон үед нийслэлийн хэмжээнд найман орц гарцыг иж бүрэн камержуулж, хот руу орж гарч байгаа автомашины хөдөлгөөнийг бүрэн автомат системээр бүртгэхээр болжээ. Эх сурвалж: www.polit.mn