Т.САЙХАН Эрүүл мэндийн яамнаас өнөөдөр /02.08/ коронавирусын тархалттай холбоотой асуудлаар мэдээлэл хийлээ. Дэлхийн эрүүл мэндийн байгууллагын мэргэжилтэн Б .Ариунтуяа “Сүүлийн хоёр хоногт халдвар авсан тохиолдлын тоо  нэмэгдэх хандлагатай байна.  Өнөөдрийн байдлаар шинэ коронавирус  БНХАУ-аас гадна дэлхийн 24 улсад бүртгэгдсэнээс нэмж халдвар бүртгэгдсэн улс байхгүй. 24 улсаас гадна Токио хотын зэргэлдээх Ёкохома хотын боомтод өнгөрсөн даваа гаригаас эхлэн карантин тогтоосон. Нийт 3700 зорчигчдоос 61 хүн халдвар авсан.  БНХАУ-аас хамгийн их тохиолдол бүртгэгдсэн улсаас гарч байгаа тоо баримтад үндэслэх юм  бол 17000 мянган тохиолдол буюу 92 хувь нь хөнгөн явцтай, 15 хувь нь хүндрээд гурван хувь нь хүнд зэрэгтэй. Хүндрэл нь өндөр настай, архаг хууч  өвчтэй настай хүмүүст илэрч байна. ДЭМБ-аас тархалт багатай улс орнууд хувийн хамгаалах  хэрэгслүүдийг нөөцлөхгүй байхыг анхааруулж байгаа” гэв. ХӨСҮТ-ийн захирал Б.Нямхүү  “ Хоёрдугаар сарын 6-нд тусгаарлагдсан есөн сэжигтэй тохиолдлын хариу бүгд сөрөг буюу шинэ коронавирусийн халдвар илрээгүй гэсэн үг. Өчигдрийн байдлаар сэжигтэй тохиолдол илрээгүй” гэлээ. Эх сурвалж:www.polit.mn