Х.ОЮУНБОЛД Ерөнхийлөгч Доналд Трамп Венесуэлийн сөрөг хүчний удирдагч Хуан Гуайдог хүлээж авсан гэж Цагаан ордноос мэдээлжээ. Мөн АНУ Венесуэл дэх хууль бус дарангуйлалтай тэмцэх, Венесуэлийн ард түмнийг ирээдүйн ардчилал, хөгжил дэвшлийг баталгаажуулахыг дэмжихийн тулд түнштэйгээ цаашид ажиллана гэж твиттертээ бичсэн байна. Уулзалтаас өмнө Цагаан ордноос Хуан Гуайдогийн айлчлалыг Венесуэлийн түр ерөнхийлөгчийн хувиар хийж байгаа болохыг зөвшөөрчээ. Мөн Венесуэлийн ард түмэнд өгсөн амлалтаа бататгах, одоогийн хямралыг шийдвэрлэж ардчилсан орон болох талаар арга замыг хэлэлцэх боломж гэж мэдэгдсэн байна. Харин энэ уулзалтаас өмнө Хуан Гуайдо зочны хувиар Доналд Трамп уламжлал ёсоор АНУ-ын Конгресст тайлангаа танилцуулсан илтгэлд оролцжээ. Доналд Трамп энэ үеэр Хуан Гуайдог Венесуэлийн цорын ганц хууль ёсны ерөнхийлөгч гэв. Мөн АНУ-ын иргэд эрх чөлөөний төлөө шударга тэмцэж байгаа Венесуэлийн ард түмэнтэй нэгдэж байгааг онцолсон байна. Харин Венесуэлийн Гадаад харилцааны сайд Хорхе Арреаса Доналд Трампын энэ үйлдлийг нь Каракас эсэргүүцэж байгаагааг илэрхийлжээ. Мөн дотоод хэрэгт нь хөндлөнгөөс бүдүүлгээр оролцож байгаа хэрэг гэж үзэж байгаагаа мэдэгдсэн байна. Эх сурвалж: www.polit.mn