Х.ОЮУНБОЛД Венесуэлийн сөрөг хүчний удирдагч Хуан Гуайдо эх орон руугаа буцахаар бэлдэж байна гэж мэдэгдсэн байна.  Олон улсад хийж  байгаа айлчлалынхаа хүрээнд АНУ-д айлчилж байгаа тэрээр Миами хотод амьдардаг 100 гаруй Венесуэлийн иргэдтэй уулзаж ярилцжээ. Энэ үеэр Хуан Гуайдо  хэцүү болон тэмцлийн өдрүүдтэй тулгарах  эх орон руугаа буцна гэж “Ройтерс” агентлаг мэдээлсэн байна. Өнгөрсөн жилийн нэгдүгээр сард өөрийгөө Венесуэлийн түр ерөнхийлөгч гэж  зарласан тэрээр “Хэцүү өдрүүд болох уу? Тэмцлийн өдрүүд болох уу? Тийм, гэхдээ ард түмнийг ардчилалд хүргэхэд ойрхон байна гэж би та нарт хэлсэн гэв. “Ройтерс” агентлаг “Хуан Гуайдогийн үгийг Венесуэлд хөндлөнгөөс цэргийн тусламж оролцуулахыг хүсэхийг оролцогчид шаардаж хашгирч тасалсан” гэж мэдээлжээ. Хуан Гуайдо “Бидэнд төлөвлөгөө, стратеги, бусад орны дэмжлэг байна. Бид ганцаараа биш, ардчилалд бид хүрнэ” гэж мэдэгдсэн байна. Тэрээр хийж байгаа айлчлалынхаа хүрээнд Колумби, Бельги, Их Британи, Франц, Швейцарь, Испани, Канад оронд Венесуэлд өнгөрсөн сарын эхээр болсон Үндэсний парламентын  удирдлагыг сонгох сонгуульд ялагдсаныхаа дараа очжээ. Түүний энэ айлчлал АНУ-д очсоноор өндөрлөж байгаа аж. Хуан Гуайдогийн энэ санаачлага нь зарим орны эрх баригчид түүнтэй уулзахаас татгалзсан нь маргаан үүсгээд байгаа юм. Мөн одоо нууцаар ерөнхийлөгч Доналд Трамптай биечлэн уулзах шаардлагатай байгаа аж. Эх сурвалж: www.polit.mn