-Yonhap агентлагийн мэдээлснээр одоо тус офист Бүгд Найрамдах Солонгос улсын 68 иргэн байгаа ажээ-

Д.ЭНХЭЭ Шинэ төрлийн коронавирусын тархалтын улмаас БНАСАУ, БНСУ хамтран умард Солонгосын Кэсон дахь харилцаа холбооны хоёр талын албан байрыг (офис) түр хаахаар пүрэв гаригт шийдвэрлэжээ. Энэ тухай БНСУ-ын Нэгдэх асуудал эрхэлсэн яамны эх сурвалжийг эшлэн Yonhap агентлаг мэдээлжээ. Холбоо харилцааг дэмжихийн тулд телефон утасны болон факсын шинэ сувгууд бий болгохоор Сөүл, Пеньян хоёр шийдвэрлэснийг онцолж байна. Агентлагийн мэдээлснээр одоо тус офист Бүгд Найрамдах Солонгос улсын 68 иргэн байгаа ажээ. Ойрын үед тэд бүгд нутаг буцах юм байна. Хоёр солонгос дундын офисыг 2018 оны есдүгээр сард БНАСАУ – ын нутаг дэвсгэрт байрлах хилийн бүсийн Кэсонд нээсэн аж. Хоёр солонгосын хооронд харилцан солилцоог хөгжүүлэх, улс хоорондын байнгын холбоо харилцааг дэмжихэд тус албан байрын үйл ажиллагаа чиглэдэг. Томоохон хот болох Уханьд 2019 оны арванхоёрдугаар сарын сүүлчээр уушигны хатгаа үүсгэгч 2019-nCoV коронавирусын дэгдэлт гарсныг Хятадын эрх баригчид тэмдэглэсэн. Пүрэв гаригийн байдлаар БНХАУ – д уг вирусээр халдварласан хүний тоо 7,7 мянгыг давж, нас бүрсэн хүний тоо 170-д хүрчээ. Шинэ вирус Хятад улсаас гадна 16 өөр улсад илэрчээ. Дэлхийн эрүүл мэндийн байгууллага (ДЭМБ) БНХАУ – ын хувьд үндэсний онцгой нөхцөл байдал бий болсныг хүлээн зөвшөөрч, тус улс руу мэргэжилтнүүд илгээжээ. Эх сурвалж: www.polit.mn