Х.ОЮУНБОЛД Герман улс  Израиль, Палестинийн мөргөлдөөнийг шийдвэрлэхийн тулд АНУ-ын санал болгосон зууны гэрээ нь асуултыг хөндсөн байна гэж үзжээ. Мөн энэ асуудлыг сайн шалгаж үзнэ гэж мэдэгдсэн байна. Тус улсын Гадаад харилцааны сайд Хейко Маас “Бид энэ саналыг сайн судална. Түүнээс гадна манай орны бүх түншүүд адилхан хандана гэж таамаглаж байна” гэж мэдэгдэлдээ дурдсан байна. Мөн энэ талаар Европын холбооны манай түнш орнуудтай хэлэлцэнэ гэв.  Ерөнхийдөө Хейко Маас мөргөлдөөн, хэлэлцээрийн ямар нэгэн үйл явцад оролцож байгаа талууд, энэ санал нь олон улсын бодит үзүүлэлт болон албан ёсны байр суурьтай хэрхэн холбогдож байгаа талаар хэлэлцэнэ гэв. Түүнээс гадна Израиль, Палестинийн  хооронд мөнхөд үргэлжлэх хэлэлцээрт хүргэх хэлэлцээр хийж байгаа хоёр орны гаргах нэг шийдвэрийг талууд хүлээн зөвшөөрөхөд нөлөөлнө гэж мэдэгджээ.  Хейко Маас “Энэ гэрээ нь удаан хугацаагаар зогсонги байдалд байсан Ойрхи Дорнодод энхтайван тогтоох үйл явцыг дахин эрчимжүүлэх зорилготой өөр нэг санааны тухай болохыг онцлов. Ерөнхийлөгч Доналд Трампын төлөвлөгөөгөөр Иерусалимыг  Израилийн нийслэл болгох, суурин газруудыг Израилийн хяналтад нь үлдээх, Иорданы хөндийг эзэмших эрхийг Израильд өгөх, аюулгүй байдлын хангахын тулд Израилийн байгуулсан бүсээс гадна Зүүн Иерусалимд нийслэлтэй Палестиний Засгийн газрыг бий болгох санаатай байна гэж мэдэгджээ. Харин Ираны Доналд Трампын Палестин, Израилийг эвлэрүүлэх зорилгоор танилцуулсан гэрээг урвагч гэж нэрлэж байгаагаа илэрхийлсэн байна. Эх сурвалж: “Зууны мэдээ” сонин 2020.1.30  ПҮРЭВ  № 20 (6245)