Т.САЙХАН БНХАУ-ын Хубэй мужийн Үхань хотод гарсан шинэ төрлийн корона вирусын халдварын улмаас уушигны хатгаа өвчин илрээд байна. 2020 оны нэгдүгээр сарын 20-ны өдрийн байдлаар  Үхань хотод 217 хүн, Бээжин хотод таван хүн, Гуандун мужид 14 хүн халдвар авсан гэж бүртгэгдээд байна. Мөн энэ өвчинтэй адил шинж тэмдэгтэй долоон тохиолдол бүртгэгдээд байгаагаас Сычюань мужид хоёр, Юньнань мужид нэг, Шаньдун мужид нэг, Шанхай хотод хоёр, Гуанши Жуаны ӨЗО-нд нэг илэрсэн байна. Гадаад улсад бүртгэгдсэн тухайн өвчний тохиолдол Японд нэг, Тайландад хоёр, Өмнөд Солонгост нэг, ОХУ-д бүртгэгдсэн байна. Эрүүл мэндийн яамнаас Корона вирусын халдвараас сэргийлэх талаар дараах зөвлөмжүүдийг гаргасан байна. Үүнд: 1. Гараа сайтар савандаж угаах, халдваргүйжүүлэгч хэрэглэх 2. Ханиах, найтаах үедээ ам хамраа таглах, амны алчуур хэрэглэх 3. Мах, өндөгийг гүйцэд болгож идэх 4. Амьсгалын замын өвчний шинж тэмдэг илэрсэн хүнтэй ойр байхаас зайлсхийх 5. Мал, тэжээвэр болон зэрлэг амьтантай хүрэлцэхгүй байх 6. Шүүрхий мах, махан бүтээгдэхүүн идэхгүй байх 7. Түүхий ус уухгүй байх 8. Далайн гаралтай хүнсний бүтээгдэхүүнийг сайтар буцалгаж хэрэглэх 9. Арьс, салстаа гэмтээхгүй байх 10. Мал, амьтны зах, аж ахуйгаар орохгүй байх 11. Халдварын эрсдэлтэй бүс нутагт аль болох зорчихгүй, зочин урихгүй байх 12. Хүн ихээр цугларсан газарт аль болох очихгүй байх 13. Зэрлэг амьтдын мах, эд эрхтэнг хүнсэнд хэрэглэхгүй байх 14. Нус, цэрээ ил задгай хаяхгүй байх гэжээ. Эх сурвалж:www.polit.mn