Т.САЙХАН БНХАУ-д үхлийн аюултай коронавирусын халдвар хурдацтай тархаж байна.  Одоогийн байдлаар  халдварын голомт болох Үхань хотод 19 орчим Монгол оюутан хорионд оржээ.  Энэ асуудалтай холбогдуулан Гадаад харилцааны яамнаас тодрууллаа. Тус яамны мэдээлснээр БНХАУ-д Монгол Улсын 10 мянга орчим иргэн оршин сууж байна. Урд хөрш рүү зорчих монголчуудын тоо  жилд давхардсан тоогоор 1.8 саяд хүрдэг гэлээ.  Одоогоор ГХЯ-наас бүх дипломат төлөөлөгчийн газраар дамжуулан тэнд буй оюутан, зорчиж буй иргэдэд тухай бүрт нь сэрэмжлүүлэг мэдээллийг хүргэж байна. Иргэддээ БНХАУ-ын Засгийн газраас гаргаж буй сэрэмжлүүлэг мэдээллийг дагахыг зөвлөж байгаа гэнэ.  Шаардлагатай бол гэрээсээ гарахгүй, олон нийтийн газар зорчихгүй, амны хаалт зүүж гараа сайтар угаахыг зөвлөж байгаа гэнэ. Коронавирус  мал амьтнаас гадна хүнээс хүнд халддаг болох нь тогтоогдсон учраас БНХАУ-тай хил залгаа Энэтхэг, Япон, БНСУ, Тайланд улс орнуудад өвчний шинж тэмдэг илрээд байна. Эх сурвалж:www.polit.mn