Т.САЙХАН УИХ-ын чуулганаар /01.10/ Эрүүгийн хуулийг өөрчлөх хуулийн төслийг хэлэлцэж байгаа.  Энэ үеэр УИХ-ын гишүүн Б.Бат-Эрдэнэ  "Хөөн хэлэлцэх хугацааг үгүй хийсэн хуулийг хэн оруулж ирсэн.  Үүнтэй холбоотой дуулиан их гарсан. Үүнд бодит тайлбар авмаар байна. Энэ хугацаанд улсад хохиролтой хэдий хэмжээний авлигын хэрэг хэрэгсэхгүй болов. Энэ талаар хийсэн судалгаа байна уу. Хөөн хэлэлцэх хугацааг урьдаас ярьж төлөвлөж оруулсан гэж би хувьдаа ойлгодог. Ийм ойлголттой хүмүүс ч олон бий. Үүн дээр тайлбар авмаар байна. УИХ-ын гишүүн Х.Нямбаатар “Эрүүгийн хуульд 2017 оны долдугаар сарын 1-нд орсон өөрчлөлтөөр хөөн хэлэлцэх хугацааг байхгүй болгосон зохицуулалт ороогүй. Бүх хэрэгт хөөн хэлэлцэх хугацаа байгаа.  Миний ахалж ажилласан ажлын хэсэг Эрүүгийн хуулийн ерөнхий ангийн 1.10-тай холбоотой зохицуулалтыг зарчмын зөрүүтэй санал болгож оруулж ирж өөрчлөөгүй. Хэрэв та шаардлагатай гэж үзвэл Тамгын газраас лавлагаа авч болно” гэлээ. Эх сурвалж:www.polit.mn