Т.САЙХАН ЗГХЭГ-ын дарга Л.Оюун-Эрдэнэ ахмадын тэтгэврийн зээлийг тэглэх Ерөнхийлөгчийн  мэдэгдэлтэй холбоотой тайлбар өглөө.  Тэрээр ”ҮАБЗ-ийн зөвлөмж Засгийн газар дээр ирсэн.  Зөвлөмжийг ирэх даваа гаригт хэлэлцэхээр төлөвлөсөн.  Улмаар Засгийн газраас  УИХ-д хуулийн төсөл өргөн барина.  Зээлийн дарамттай холбоотой асуудалд цаашид төр засаг анхаарахаас аргагүй ийм нөхцөл байдаг үүсч байна. Зарим ордыг эдийн засгийн эргэлтэд оруулах байдлаар энэ асуудлыг шийдвэрлэхээр гаргасан шийдвэр гэж ойлгож байна.  Цаашид ХЗДХЯ, Сангийн яамны саналыг авч нэгтгээд холбогдох мэргэжлийн байнгын хороодоор орсны дараа ямар байдлаар энэ асуудлыг шийдэх нь эдийн засагт эрсдэлгүй вэ гэдгийг Засгийн газрын хуралдаанаар дахин ярина” гэлээ.  Түүнчлэн Салхитын мөнгөний ордыг ашиглах замаар  ахмадын тэтгэврийг тэглэх асуудлыг Ерөнхийлөгч хэлсэн.   Энэ тухай тэрээр  “Салхитын мөнгөний ордын ТЭЗҮ батлагдсан. Тэр дээр нэлээд дэлгэрэнгүй тооцоолол гарсан.  Мөнгөний нөөцийг тогтоосон.  Алтны нөөц бас байна.  Улсад хоёр их наяд төгрөг оруулах таван жилийн ТЭЗҮ гарсан байна” гэлээ. Эх сурвалж:www.polit.mn