Т.САЙХАН Булган аймгийн АЗХ нь 2019 онд “Хангайн бүсийн оюутан залуусын чуулга уулзалт” –ыг амжилттай зохион байгуулсан байна.  Мөн сумдынхаа ахмад настнууд, гишүүд дэмжигчдээ гадаад аялалд хамруулж,  20 гаруй залууст сургалтын төлбөрийн дэмжлэг үзүүлэн “ Төрийн захиргаа удирдлагын магистр”-ын зэрэгтэй болгожээ.  АН- ын ҮБХ-ын гишүүн, Булган аймгийн АЗХ-ын тэргүүн С.Гал-Эрдэнэ “Манай аймгийн АЗХ-ын зүгээс өрх толгойлсан эмэгтэйн болон өрхийн орлого багатай, зорилтот бүлгийн айл өрхийн хүүхдүүдэд сурч боловсроход нь дэмжлэг үзүүлэн ажиллаж байна. Хувь хүнийг чадавхижуулах, эрдэм боловсролтой болгох нь аймаг орон нутгийн хөгжил, цаашлаад улс орны ирээдүйд оруулж буй хөрөнгө оруулалт юм. Тийм ч учраас аймгийнхаа оюутан залуусыг мэдлэг чадвартай, ажилтай орлоготой зөв хүн болгон төлөвшүүлэх нь бидний гол зорилго юм” гэлээ.  Шинэ оны босгон дээр тус холбооны хамт олон 2019 оны ажлаа дүгнэж, Дашинчилэн сумын харъяат Г.Оюундарьд нэг жилийн сургалтын төлбөрийн тэтгэлэг олгосон байна. Эх сурвалж:www.polit.mn