Ази Номхон далайн бүсийн 4-р конгресс амжилттай боллоо

Нүүр

Геополитик

Ази Номхон далайн бүсийн 4-р конгресс амжилттай боллоо

2019-07-04

Нийтэлсэн: Админ

1 мин

ХУВААЛЦАХ

ЖИРГЭХ

Ази Номхон далайн бүсийн хөгжлийн бэрхшээлтэй иргэдийн конгресс 4 жилд нэг удаа болдог уламжлалтай. 4 дэхь удаагаа зохиогдож буй энэ удаагийн конгресс Монгол улсын нийслэл Улаанбаатар хотноо болж, хөгжлийн бэрхшээлтэй хүнийг хамт олон дунд хамруулан хөгжүүлэхийг эрхэм болгож буйгаа тунхаглалаа. Өчигдөр нээлтээ хийсэн тус конгресс 2 дахь өдрөө үргэлжилж, "Хамт олонд түшиглэн хамруулан хөгжүүлэх хандлага"-ын сайн туршлага: "Хэнийг ч орхигдуулахгүй байх" гэсэн үндсэн сэдвийн дор илтгэл тавигдаж, үдээс хойш салбар хуралдаанаар үргэлжилсэн. Конгрессоор хөгжлийн бэрхшээлтэй иргэдийн эрхийг хангах НҮБ-ын конвенцийг хэрэгжүүлэх, хүн бүрт хүртээмжтэй нийгмийг хөгжүүлэх хамтын ажиллагааны хүрээнд тулгамдаж буй асуудал, шийдэл, боломж, нэвтрүүлсэн сайн туршлагуудын хүрээнд салбар хуралдаануудаар 85 илтгэлийг хэлэлцүүлсэн байна.

Конгрессыг хааж, МУ-ын УИХ-ын гишүүн, ХНХ-ын сайд С.Чинзориг үг хэлсэн. 4 дэхь удаагаа амжилттай зохиогдсон Хөгжлийн бэрхшээлтэй иргэдийн Ази Номхон далайн бүсийн конгресс Улаанбаатарт хуран чуулж, сайн туршлага амжилт ололтоо дүгнэн дараагийн буюу 5 дахь конгресс Ази тивийн аль улсад болохыг зарласан юм. Хөгжлийн бэрхшээлтэй иргэдийг хамт олонд түшиглэн хамруулан хөгжүүлэх Ази Номхон далайн бүсийн 5-р конгресс 2023 онд Камбож улсад болохоор товлосныг Ази Номхон далайн бүс нутгийн хамт олонд түшиглэн хамруулан хөгжүүлэх сүлжээний тэргүүн Гулам Наби Низамани зарласан. Ийнхүү энэ удаагийн ээлжит 4-р конгресс Монгол улсын нэр хүндийг Ази тивдээ өргөсөн нэгэн арга хэмжээ болж өндөрлөлөө.

Баяртай Улаанбаатар. Сайн байна уу Камбож.

Эх сурвалж: www.gadpwd.gov.mn